حیدرآباد: 'بھول بھولیا 2' کی شاندار کامیابی کے بعد کارتک آرین اور کیارا اڈوانی کی ہٹ جوڑی ایک بار پھر فلم 'ستیہ پریم کی کتھا' میں دھوم مچانے کے لیے تیار ہے۔ یہ جوڑی ان دنوں فلم کی شوٹنگ میں مصروف ہے۔ اب دسہرہ کے دن شوٹنگ سیٹ سے کارتک آرین اور کیارا اڈوانی کی ٹیم کے ساتھ ڈانس کرتے ہوئے ویڈیو اور تصاویر وائرل ہو رہی ہیں۔ اہم بات یہ ہے کہ فلم کی شوٹنگ کا پہلا شیڈول مکمل ہو چکا ہے۔Satya Prem ki Katha First Schedule Ends
کارتک آرین نے ویڈیو شیئر کرتے ہوئے لکھا کہ 'دسہرہ کے موقع پر، ایک ماہ طویل چلنے والے شیڈول کی شوٹنگ مکمل ہوگئی ہے۔ اس دن ہم سب نے مل کر بہت مزہ کیا'۔ کارتک نے کیک کاٹنے اور ڈانس کی ویڈیوز شیئر کی ہیں۔
- " class="align-text-top noRightClick twitterSection" data="
">
کارتک آرین اور کیارا اڈوانی کی فلم ستیہ پریم کی کتھا 29 جون 2023 کو ریلیز ہوگی۔ سمیر ودھواس کی ہدایت کاری اور ساجد ناڈیاڈوالا اور نمہ پکچرز کی پروڈیوس کردہ فلم کا انتظار ختم ہونے والا ہے۔
واضح رہے کہ کیارا اور کارتک کی جوڑی کو مداحوں کی جانب سے زبردست ردعمل ملا ہے۔ اس لیے ان دونوں کی فلم نے باکس آفس پر بھی دھوم مچا دی ہے۔ اب یہ جوڑی فلم 'ستیہ پریم کی کتھا' میں ایک بار پھر کمال کرتی نظر آئے گی۔
دوسری جانب کارتک آرین کے دیگر پروجیکٹ پر نظر ڈالیں تو وہ 'فریڈی'، 'شہزادہ' اور کبیر خان کی فلم میں نظر آئیں گے۔ وہیں، کیارا حال ہی میں فلم 'جگ جگ جیو' میں نظر آئی تھیں۔ اس کے علاوہ وہ 'گووندا نام میرا' کے ساتھ تیلگو فلم 'RC15' میں بھی نظر آئیں گی۔
مزید پڑھیں: Karthik Aaryan with Rashmika: کارتک آرین کی 'پارٹنر' بنی رشمیکا مندانا، دیکھیں دونوں کی یہ خوبصورت تصویر
