بالی ووڈ کے مشہور اداکار سلمان خان کے چاہنے والوں میں بچوں اور نوجوانوں کی تعداد سب سے زیادہ ہے۔ بچے سلمان خان کو ایکشن اوتار میں دیکھنا پسند کرتے ہیں۔ حال ہی میں اداکار کو ممبئی ہوائی اڈے پر دیکھا گیا جہاں سے ان کی ایک پیاری ویڈیو سامنے آئی ہے۔ ویڈیو میں ایک بچہ سلمان خان کو زور سے گلے لگاتے ہوئے نظر آرہا ہے۔Salman Khan hugs a fan
پاپرازی کی جانب سے ایک ویڈیو انسٹاگرام پر شیئر کیا گیا ہے۔ جس میں سلمان خان کو ممبئی ایئرپورٹ پر سخت سیکیورٹی کے ساتھ داخل ہوتے ہوئے دیکھا جاسکتا ہے۔ جیسے ہی اداکار ائیرپورٹ کے دارخلی دروازے کی جانب بڑھتے ہیں انہیں اندازہ ہوتا ہے کہ ایک نوجوان پرستار ان سے ملنا چاہتے ہے اور وہ یہ دیکھ کر رُک جاتے ہیں۔ جس کے بعد ایک بچہ دوڑ کر آتے ہوئے اداکار کو زور سے گلے لگا لیتا ہے۔ ویڈیو میں سلمان کے چہرے پر مسکراہٹ نظر آتی ہے۔
- " class="align-text-top noRightClick twitterSection" data="
">
شائقین نے اس ویڈیو پر ردعمل ظاہر کیے ہیں۔ ایک صارف نے تبصرہ کرتے ہوئے لکھا کہ ' جس اسٹار کو سب سے زیادہ غلط سمجھ گیا وہ یہ ہیں، لیکن مجھے ان سے بہت پیار ہے'۔ ایک مداح نے لکھا کہ ' یہ انسان باہر سے جتنا اچھا ہے اتنا اندر سے بھی ہے'۔ ایک اور نے لکھا کہ ' اسٹار ہو تو سلمان خان جیسا'۔
سلمان حال ہی میں اپنی آنے والی فلم ٹائیگر 3 کے سیٹ پر شوٹنگ کے دوران زخمی ہو گئے تھے۔ جمعرات کو انہوں نے ٹویٹر پر اپنی ایک تصویر پوسٹ کر کے اپنے مداحوں کو بتایا کہ انہیں کندھے پر معمولی چوٹ آئی ہے۔ انہوں نے لکھا کہ ' جب آپ کو لگتا ہے کہ آپ دنیا کا بوجھ اپنے کندھوں پر اٹھا رہے ہو تب وہ کہتے ہیں دنیا کو چھوڑو پانچ کلو کا ڈمبل اٹھا کر دکھاؤ'۔ اس سال کے شروع میں سلمان نے سدھارتھ آنند کی فلم پٹھان میں ایک مختصر کردار ادا کیا تھا ۔ وہ فلم میں اپنے ٹائیگر کے کردار میں نظر آئے تھے۔سلمان آخری بار کسی کا بھائی کسی کی جان میں نظر آئے تھے۔
