حیدرآباد: بالی ووڈ کے 'دبنگ خان' سلمان خان اور کترینہ کیف کی فلم 'ٹائیگر 3' کی ریلیز کی تاریخ میں تبدیلی کردی گئی ہے۔ میکرز نے فلم کی نئی ریلیز تاریخ کا اعلان کیا ہے۔ پہلے یہ فلم 21 اپریل 2023 کو ریلیز ہونی تھی۔ سلمان خان نے سوشل میڈیا پر ایک پوسٹ کے ذریعے بتایا ہے کہ اب یہ فلم عید (2023) کے موقع پر ریلیز نہیں ہوگی۔ Tiger 3 Release Date
سلمان خان کے مطابق اب یہ فلم 2023 کی عید کے موقع پر نہیں بلکہ دیوالی 2023 کے موقع پر ریلیز کی جائے گی۔ آپ کو بتا دیں کہ اس سے قبل ٹائیگر 3 اگلے سال عید پر ریلیز ہونے والی تھی۔ فلم کے حوالے سے مداحوں میں زبردست جوش و خروش پایا جارہا تھا لیکن اب شائقین کو عید کا نہیں بلکہ اگلی دیوالی تک فلم کا انتظار کرنا ہوگا۔
- " class="align-text-top noRightClick twitterSection" data="
">
اس سال 15 اگست کو یوم آزادی کے موقع پر سلمان خان نے بتایا تھا کہ ٹائیگر 3 21 اپریل (2023) کو ریلیز کی جائے گی۔ ریلیز کی نئی تاریخ کا اعلان کرتے ہوئے سلمان خان نے لکھا ہے کہ 'اب ٹائیگر نئی تاریخ پر آئے گا، یہ فلم ہندی کے علاوہ تیلگو اور تمل میں بھی ریلیز کی جائے گی'۔ فلم کے ہدایت کار منیش شرما ہیں۔
- " class="align-text-top noRightClick twitterSection" data="
">
سلمان خان اور کترینہ کیف کی ہٹ جوڑی ایک بار پھر فلم میں نظر آئے گی۔ ساتھ ہی کترینہ نے فلم کی ریلیز کی نئی تاریخ کی پوسٹ بھی شیئر کی ہے اور لکھا ہے کہ ٹائیگر اور زویا اب دیوالی 2023 پر آرہے ہیں۔
