حیدرآباد: اداکار رام چرن اور ان کی اہلیہ اپاسنا کامینینی اپنے پہلے بچے کی توقع کر رہے ہیں۔ اپاسنا نے اپنے انسٹاگرام فالوورز کے ساتھ اپنے بیبی شاور تقریب کی ایک جھلک شیئر کی۔ بدھ کے روز اپاسنا نے اس تقریب کی ایک ویڈیوز شیئر کی جس میں ان دونوں کے کئی خاص لمحات کو قید کیا گیا ہے۔ اس ویڈیو میں اپاسنا اور رام چرن دونوں کو سفید لباس میں دیکھا جاسکتا ہے۔ ساتھ ہی اس جوڑے کو ایک ساتھ کیک کاٹتے ہوئے بھی دیکھا جاسکتا ہے۔Ram Charan's wife Upasana Baby Shower
- " class="align-text-top noRightClick twitterSection" data="
">
اپاسنا کو اپنی دوستوں کے ساتھ بھی پوز دیتے ہوئے دیکھا جاسکتا ہے۔ انسٹاگرام پر یہ پوسٹ شیئر کرتے ہوئے اپاسنا نے لکھا کہ ' میں آپ کی لاجواب محبت کی قدر کرتی ہوں، شکریہ بہترین بیبی شاور کے لیے سندوری ریڈی اور انوشپالا کامینینی، میری دو پیاری بہنیں'۔ یہ خوبصورت بیبی شاور تقریب کا انعقاد دبئی کے ساحل سمندر پر منعقد کیا گیا۔
کیک سے لے کر تقریب کی سجاوٹ تک ان کے بیبی شاور تقریب کی ہر چیز بے حد خوبصورت تھی ۔ اس موقع کے لیے اپاسنا نے سفید ڈریس کا انتخاب کیا وہیں رام چرن سفید قمیض اور پینٹ میں زیب تن نظر آئے۔ اس جوڑے نے تقریب میں خوبصورت وقت گزارا۔
اپاسنا نے حال ہی میں شادی کے دس سال بعد حاملہ ہونے کے بارے میں بات کرتے ہوئے کہا کہ ' یہ ان دونوں کا باہمی فیصلہ تھا۔ انہوں نے مزید کہا کہ اپنے اہل خانہ اور معاشرے کے شدید دباؤ کے باوجود وہ اپنے فیصلے پر قائم رہے۔ رام چرن اور اپاسنا کی شادی کو دس سال ہو چکے ہیں اور وہ جلد ہی اپنے پہلے بچے کی توقع کر رہے ہیں۔ جوڑے نے مارچ میں امریکہ میں اپنا بے بی مون بھی منایا۔
