حیدرآباد: بالی ووڈ اداکارہ پرینیتی چوپڑا اور سیاست دان راگھو چڈھا کی چند روز میں منگنی کرنے کی خبر ہے۔ ان کی منگنی کی خبریں زور پکڑ رہی ہیں کیونکہ متعدد رپورٹس میں دعویٰ کیا گیا ہے کہ دونوں 13 مئی کو اپنے رشتے کو مضبوط کرنے کے لیے تیار ہیں۔ حالانکہ دونوں نے ابھی تک اپنی منگنی کی خبروں پر خاموش رہنے کا فیصلہ کیا ہے لیکن اس بات کے چرچے ہیں کہ ان دونوں کی منگنی تقریب کا اہتمام دہلی میں کیا جائے گا۔ اس کے لیے پرینیتی نے فیصلہ کیا ہے وہ اس خاص موقع پر بالی ووڈ کے اپنے پسندیدہ ڈیزائنر کے ڈیزائن کردہ لباس میں نظر آئیں گی۔Parineeti Chopra-Raghav Chadha engagement
- " class="align-text-top noRightClick twitterSection" data="
">
حال ہی میں پرینیتی کو کئی بار ممبئی میں ڈیزائنر منیش ملہوترا کے گھر پر دیکھا گیا ہے۔ منیش کے گھر اور اسٹوڈیو میں اداکارہ کے متعدد دوروں نے ان قیاس آرائیوں کو جنم دیا ہے کہ وہ راگھو کے ساتھ اپنی منگنی کے دن منیش کے لباس میں نظر آئیں گی۔ اطلاع کے مطابق اداکارہ نے اپنے اس خاص دن کے لیے پیسٹل رنگ کے لباس پہننے کا انتخاب کیا ہے۔
- " class="align-text-top noRightClick twitterSection" data="
">
اگر رپورٹس پر یقین کریں تو پرینیتی نے کئی ٹرائلز کے بعد یہ فیصلہ کرلیا ہے کہ وہ کیا پہنیں گی۔ بالی ووڈ میں زیادہ تر مشہور شخصیات کی طرح پرینیتی بھی منیش کی ایک قریبی دوست ہیں اور وہ ڈیزائنر کے لیے ایک دو بار بطور شو اسٹاپر بھی ریمپ واک کرچکی ہیں اور اپنی منگنی کی تقریب کے لیے پرینیتی کو منیش ملہوترا کی جانب سے ڈیزائن کردہ لباس پر مکمل بھروسہ ہے۔ اب یہ دیکھنا دلچسپ ہوگا کہ منیش پرینیتی کے لیے کس طرح کے لباس ڈیزائن کر رہے ہیں۔
