چنئی: کمل ہاسن بلاک بسٹر گینگسٹر ڈرامہ نیاکن کے 35 سال بعد ایک بار پھر منی رتنم کے ساتھ کام کرنے والے ہیں۔ یہ دونوں فلم کے ایچ 234 میں کام کرنے والے ہیں۔ اس فلم کو کمل ہاسن، منی رتنم، آر مہیندرن اور شیوا اننتھ اپنے اپنے بینرز، راج کمل فلمز انٹرنیشنل اور مدراس ٹاکیز کے تحت پروڈیوس کریں گے۔ اُدیندھی اسٹالن کی ریڈ جائنٹ موویز اس فلم کو پیش کرے گی۔ فلم کو 2024 میں ریلیز کیا جائے گا۔ وہیں ستمبر ماہ میں کمل ہاسن کو چنئی میں منی رتنم کی رواں سال ریلیز ہوئی شاندار فلم پونئین سیلون 1 کے لانچ کے موقع پر رجنی کانت کے ساتھ دیکھا گیا تھا۔ واضح رہے کہ رجنی کانت بھی منی رتنم کے ساتھ کام کرچکے ہیں۔ Kamal Haasan Announces film with Mani Ratnam
- " class="align-text-top noRightClick twitterSection" data="
">
اتوار کی شام کو جاری کردہ ایک بیان میں کمل ہاسن نے کہا کہ وہ فلم میں کام کرنے کے منتظر ہیں۔ 'میں 35 سال پہلے بھی اتنا ہی پرجوش تھا، جب میں مسٹر منی رتنم کے ساتھ کام شروع کرنے والا تھا۔ اسی طرح کی ذہنیت کے ساتھ تعاون کرنا حوصلہ افزا ہے۔ اس پروجیکٹ میں اے آر رحمان کو بھی شامل کیا جائے گا۔اُدیندھی اسٹالن کے ساتھ اس فلم کو پیش کرنے کا بے صبری سے انتظار کر رہا ہوں'۔ کمل ہاسن کے ساتھ دوبارہ کام کرنے پر منی رتنم نے کہا کہ 'کمل سر کے ساتھ دوبارہ تعاون کرنے پر خوشی، اعزاز اور پرجوش محسوس کر رہا ہوں'۔
