حیدرآباد: دیسی گرل پرینکا چوپڑا کے غیر ملکی شوہر نک جونس نے اپنی بیوی کی خوبصورت اور ان دیکھی رومانوی تصاویر شیئر کی ہیں۔ نک نے اپنے سوشل میڈیا اکاؤنٹ انسٹاگرام پر یہ تصویر شیئر کرکے پریاکا کے مداحوں کے چہروں پر خوشی لانے کا کام کیا ہے۔ یہ تصویر پرینکا چوپڑا کی سالگرہ (18 جولائی) کی ہے۔ اس تصویر میں نک جونس اور پرینکا چوپڑا کی زبردست کیمسٹری دیکھنے کو مل رہی ہے۔ اس سے بھی خاص بات یہ ہے کہ نک نے اس تصویر کے ساتھ ایک بہت ہی خوبصورت کیپشن بھی لکھا ہے۔Jonas Shares Wife Priyanka's Birthday Pics
- " class="align-text-top noRightClick twitterSection" data="
">
نک کی جانب سے شیئر کی گئی تصویر میں پرینکا چوپڑا اپنے شوہر نک جونس کے سامنے کھڑی ہیں اور نک نے اپنی ٹھوڑی پرینکا کے کندھے پر اور ہاتھ کمر پر رکھا ہوا ہے, جب کہ پرینکا نے شوہر نک کا بایاں ہاتھ اپنے بائیں ہاتھ سے خوبصورتی سے پکڑ رکھا ہے۔ پرینکا کے چہرے پر ایک میٹھی مسکراہٹ ہے اور نک کیمرے کی طرف دیکھ رہے ہیں۔
اس تصویر کو شیئر کرتے ہوئے نک نے لکھا ہے، 'لیڈی ان ریڈ'۔ اب جیسے ہی یہ تصویر نک-پریانکا کے مداحوں کی نظروں میں آئی، انہوں نے تصویر پر پیار بھرے تبصرے لکھنے شروع کر دیے۔
ایک مداح نے لکھا 'واہ، میرے پاس الفاظ نہیں ہیں'۔ اس خوبصورت تصویر پر ایک اور مداح نے لکھا کہ 'تم لوگ تباہی مچا رہے ہو'۔ ساتھ ہی ایک مداح نے لکھا، 'خوبصورت جوڑا'۔
واضح رہے کہ 18 جولائی کو عالمی اسٹار پرینکا چوپڑا نے اپنی 40 ویں سالگرہ منانے کے ساتھ اپنی بیٹی مالتی چوپڑا جونس کی 6 ماہ کی سالگرہ منائی۔ پرینکا اور مالتی کی سالگرہ کی تصاویر جوڑے نے سوشل میڈیا پر شیئر کیں جنہیں مداحوں نے بے حد پسند کیا۔
مزید پڑھیں:پرینکا چوپڑا نے اپنی 40 ویں سالگرہ کی کچھ اور تصویریں شیئر کیں، دیکھیں
