حیدرآباد (تلنگانہ): جانوی کپور کی فلم ملی کا ٹریلر ہفتہ کے روز ریلیز کردیا گیا ہے۔ ملی ملیالم فلم ہیلن کا ریمیک ہے۔ نیشنل ایوارڈ یافتہ متھوکٹی زیویئر کی ہدایت کاری میں بننے والی اس فلم میں سنی کوشل اور منوج پاہوا بھی مرکزی کردار میں ہیں۔Mili trailer
ٹریلر دیکھ کر اندازہ ہوتا ہے کہ فلم کی کہانی نرسنگ کی ایک طالبہ ملی کے ارد گرد گھومتی ہے، جو ایک ریستوران میں کام کرتی ہے۔ کہانی میں ایک نئی موڑ تب آتی ہے جب ایک دن ملی لاپتہ ہوجاتی ہے۔ ملی کی تلاش میں ایک سرچ آپریشن شروع کی جاتی ہے۔ملی کے کردار میں جانوی کی اداکاری اچھی نظر آرہی ہے۔ دلچسپ بات یہ ہے کہ ہیلین کے ہندی ریمیک میں جانوی پہلی بار اپنے والد کے ساتھ کام کرتی نظر آئیں گی۔ اس فلم کو پروڈیوس بونی کپور کر رہے ہیں۔ ٹریلر میں جانوی بے حد خوفزدہ نظر آرہی ہیں اور اپنی جان بچانے کی ہرممکن کوشش کر رہی ہیں کیونکہ وہ ایک سپرمارکیٹ کے فریزر میں بند ہیں جس کی درجہ حرارت صفر سے بھی نیچے ہیں۔ اس فلم کے کردار میں خود کو ڈھالنے کے لیے اداکارہ نے تنہائی میں وقت گزارنے سے لے کر منجمد درجہ حرارت میں رہنے کی کوشش کی تاکہ وہ اپنے کردار کے ساتھ انصاف کرسکے۔
- " class="align-text-top noRightClick twitterSection" data="">
بونی کپور نے اس فلم میں جانوی کپور کے کام کرنے کے بارے میں بات کرتے ہوئے کہا کہ یہ فلم ایک چیلنجنگ کردار کے ساتھ آئی ہے جہاں ان کی بیٹی اپنے کیریئر کے آغاز میں اس طرح کا کردار ادا کریں گی۔
جانوی کو آخری بار ڈیجیٹل طور پر ریلیز ہونے والی فلم گڈ لک جیری میں دیکھا گیا تھا۔ ملی کے علاوہ اداکار اس وقت مسٹر اینڈ مسز ماہی کی شوٹنگ میں مصروف ہیں۔دھڑک اور روحی کے بعد، ملی تیسری فلم ہوگی جو تھیٹر پر ریلیز ہوگی۔ یہ فلم 4 نومبر کو ریلیز ہونے والی ہے۔
مزید پڑھیں: Mili teaser: جانوی کپور کی تھرلر فلم 'ملی' کا ٹیزر ریلیز
