بھارتی سنیما کے مشہور گلوکار کے کے کی موت کے بعد گلوکار کا آخری نغمہ ریلیز کردیا گیا ہے۔ یہ نغمہ پنکج ترپاٹھی کی آئندہ فلم 'شیر دل: دی پیلیبھت ساگا' کا پہلا گانا ہے۔ 'دھوپ پانی بہنے دے' کو کے کے نے اپنی میٹھی آواز دی ہے۔ آنجہانی گلوکار کی موت کے بعد یہ ان کا پہلا گانا ہے۔ گزشتہ ہفتے گلوکار کی موت کی خبر نے پورے ملک کی آنکھوں کو نم کردیا تھا اور اب ان کا یہ آخری نغمہ مداحوں میں گلوکارکی یاد کو برقرار رکھنے کا ذریعہ بنے گا۔
واضح رہے کہ ممتاز گلوکار کرشن کمار کنناتھ، جنہیں مداح پیار سے کے کے کہہ کر پکارتے تھے، 31 مئی کو مغربی بنگال کے شہر کولکاتا میں ایک لائیو کنسرٹ میں پرفارم کرنے کے فورا بعد انتقال کر گئے۔ پوسٹ مارٹم رپورٹ کے مطابق کے کے کی موت دل کا دورہ پڑنے سے ہوئی۔ ان کی آخری رسومات 02 جون کو ممبئی میں ادا کی گئی۔KK's Song Dhoop Paani Bahne De Out
کے کے کے آخری نغمہ 'دھوپ پانی بہنے دے' کو مشہور نغمہ نگار گلزار نے لکھا ہے اور شانتو موئیترا نے اسے کمپوز کیا ہے۔ کے کے کا یہ آخری نغمہ اس لیے بھی خاص ہے کیونکہ گلزار کی فلم ماچس کا نغمہ ' چھوڑ آئے ہم' سے ہی کے کے نے ہندی سنیما میں بطور گلوکار قدم رکھا تھا۔ Dhoop Paani Bahne De From Pankaj Tripathi Starrer Film Sherdil
- " class="align-text-top noRightClick twitterSection" data="">
فلم شیر دل میں پنکج ترپاٹھی کے علاوہ نیرج کابی اور سیانی گپتا اہم کردار میں نظر آئیں گے۔ 'شیردل: دی پیلیبھت ساگا' کو گلشن کمار، ٹی سیریز فلم اور ریلائنس انٹرٹینمنٹ نے پیش کیا ہے، جسے بھوشن کمار اور ریلائنس انٹرٹینمنٹ نے میچ کٹ پروڈکشن کے ساتھ پروڈیوس کیا ہے۔ یہ فلم 24 جون کو بڑے پردے پر ریلیز ہونے کو تیار ہے۔
مزید پڑھیں: Sherdil Trailer Out: پنکچ ترپاٹھی کی آئندہ فلم ' شیردل' کا ٹریلر ریلیز
