ممبئی: بالی ووڈ اداکار کارتک آرین نے منگل کے روز اپنے 'سرپرائز برتھ ڈے پارٹی' کی ایک جھلک شیئر کی ہے۔کارتک آرین نے اپنے انسٹاگرام اکاؤنٹ میں کچھ تصویریں شیئر کی ہے اور اس کے کیپشن میں لکھا ہے ' ہر جنم میں آپ کی کوکی بن کر ہی پیدا ہونا چاہوں گا، ممی پاپا، کٹوری اور کک اتنا پیارا برتھ ڈے سرپرائز دینے کے لیے آپ کا شکریہ'۔ کارتک کے والدین نے ان کے لیے ایک سرپرائز برتھ پارٹی کا اہتمام کیا تھا۔Kartik Aaryan's birthday
پہلی تصویر میں کارتک کو اپنے پیارے چھوٹے پالتو کتے کٹوری کے ساتھ ایک صوفے پر بیٹھے ہوئے اور چاکلیٹ کیک کاٹتے ہوئے دیکھا جاسکتا ہے۔
اگلی تصویر میں 'دھماکہ' اداکار کو اپنے والدین اور کتے کے ساتھ پوز دیتے ہوئے دیکھا جا سکتا ہے۔
کارتک کے اس دلکش تصاویر کے منظر عام پر آنے کے فورا بعد ہی مداحوں نے اس پوسٹ پر خوب سارے تبصرے کیے اور اداکار کو سالگرہ کی مبارکباد دی۔ اداکار آیوشمان کھرانہ نے لکھا کہ 'سالگرہ مبارک ہو کے اے'۔ اداکارہ کریتی سینن نے لکھا کہ 'بنٹو سالگرہ کی بہت مبارکباد، میرے پاس تمہارے لیے بہترین تحفہ ہے۔۔ دیکھتے رہیں'۔ وہیں ایک مداح نے تبصرہ کرتے ہوئے لکھا کہ ' آپ کو دنیا کی تمام خوشیاں نصیب ہوں'۔ واضح رہے کہ کارتک 22 نومبر کو 32 سال کے ہوگئے ہیں۔
واضح رہے کہ کارتک فی الحال کیارا اڈوانی کے ساتھ اپنی آئندہ میوزیکل رومانٹک فلم 'ستیہ پریم کتھا' کی شوٹنگ میں مصروف ہیں۔ سمیر ودھوانس کی ہدایتکاری میں بننے والی یہ فلم 29 جون 2023 کو سنیما گھروں میں ریلیز ہوگی۔ اس کے علاوہ وہ پروڈیوسر ایکتا کپور کی اگلی رومانوی تھرلر فلم 'فریڈی' میں الایا ایف کے ساتھ نظر آئیں گے، جو مکمل طور پر ریلیز ہونے کے تیار ہے۔ یہ فلم خصوصی طور پر او ٹی ٹی پلیٹ فارم ڈزنی پلس ہاٹ اسٹار پر 2 دسمبر 2022 کو ریلیز ہوگی۔ اس کے بعد ان کے پاس روہت دھون کی فلم شہزادہ اور انوراگ باسو کی فلم 'عاشقی 3' بھی ہے۔
