دارالحکومت دہلی میں کنگنا رناوت کی آئندہ فلم 'دھاکڑ' کا دوسرا ٹریلر ریلیز کردیا گیا ہے۔ سوہم راک اسٹار رانٹرٹینمنٹ کی دمدار فلم 'دھاکڑ' کے دوسرے ٹریلر ریلیز کے موقع پر اداکارہ کنگنا رناوت اور ارجن رامپال بھی موجود رہے ۔ تاہم فلم کا پہلا ٹریلر دو ہفتے قبل ممبئی میں ریلیز کیا گیا تھا جبکہ دوسرا ٹریلر دہلی میں لانچ کیا گیا۔ Dhaakad Trailer Release in Delhi
اس نئے ٹریلر نے فلم کی تمام امیدوں کو پیچھے چھوڑ دیا ہے، اس ٹریلر میں کنگنا کا مزید دمدار اور ایکشن بھرا انداز دیکھنے کو مل رہا ہے۔ بین الاقوامی فلموں کے قائم کردہ اعلیٰ معیار کے مطابق یہ دیسی ایکشن فلم 'دھاکڑ' کا نیا ٹریلر بھی مداحوں کو حیرت زدہ کرنے والی ہے۔ کنگنا اس فلم میں اپنے کیریئر کے سب سے سنسنی خیز کردار میں دھوم مچانے کے لیے تیار ہیں، وہیں دویا دتہ اور ارجن رامپال بھی کشش کا مرکز ہیں۔
کنگنا کہتی ہیں کہ ’’دھاکڑ ایک خاص طرز پر تیار کی گئی فلم ہے جس کا میں ہمیشہ سے حصہ بننا چاہتی تھی۔ دوسرا ٹریلر ناظرین کو فلم کی دوسری کائنات میں لے جائے گا اور اس بات سے روبرو کروائے گا کہ فلم سے کس قسم کی ایکشن کی توقع کی جائے۔ یہ فلم غیر معمولی ایکشن سین سے بھرا ہوا ہے اور اس میں عورت کی طاقت، پاؤر کا جشن منایا گیا ہے۔ یہ ایک ڈریم پروجیکٹ ہے جس کا ہم سب برسوں سے انتظار کر رہے تھے، میں اسے سب کو دکھانے کے لیے بے صبر ہوں'۔
وہیں ارجن رامپال کا کہنا ہے کہ ' جب میں نے پہلی بار فلم کی کہانی سنی، تب ہی مجھے معلوم ہوا کہ یہ ایک خاص کہانی ہے۔ یہ اس قسم کی فلم ہے جس کے لیے آپ کو سخت محنت کرنی پڑتی ہے اور ہم نے یہی کیا ہے۔ دوسرا ٹریلر ناظرین کو ہماری تخلیق کردہ دنیا کی جھلک دکھائے گا۔ یہ فلم جوش سے بھر دے گی۔ ہر کسی کو اس فلم کے ذریعے یادگار سفر پر جانے کے لیے تیار رہنا چاہیے۔
مزید پڑھیں: فلم دھاکڑ کے پروموشن میں نظر آیا کنگنا کا خوبصورت انداز
