چنئی: ساؤتھ فلم انڈسٹری کے سپر اسٹار کمل ہاسن کے بارے میں اہم خبر سامنے آئی ہیں۔ کمل ہاسن کی بگڑتی ہوئی صحت کی وجہ سے انہیں 24 نومبر کی صبح چنئی کے ایک نجی ہسپتال سری رام چندر میڈیکل سینٹر میں داخل کرایا گیا تھا۔ میڈیا رپورٹس کے مطابق اداکار کو معمول کے چیک اپ کے لیے ہسپتال میں داخل کرایا گیا تھا۔ تازہ ترین جانکاری کے مطابق 68 سالہ اداکار کو ہسپتال سے ڈسچارج کر کے گھر بھیج دیا گیا ہے۔ ڈاکٹر نے اداکار کو مکمل آرام کا مشورہ دیا ہے۔ کمال کو گزشتہ رات بے چینی کی شکایت کے باعث ہسپتال میں داخل کرایا گیا تھا اور انہیں ہلکا بخار بھی تھا۔Kamal Hasan Hospitalized
- " class="align-text-top noRightClick twitterSection" data="
">
کمل ہاسن اس وقت تجربہ کار ساؤتھ ڈائریکٹر ایس شنکر کی فلم 'انڈین 2' کی تیاری کر رہے ہیں۔ اس کے علاوہ وہ ہٹ رئیلٹی شو 'بگ باس تمل' کی شوٹنگ میں بھی مصروف ہیں۔ اس کے ساتھ ساتھ اداکار سیاست میں بھی سرگرم ہیں۔حال ہی میں اداکار حیدرآباد میں اپنے دوست اور مشہور ہدایت کار کے وشوناتھ سے ملاقات کرنے ان کے گھر گئے تھے۔ دونوں کی ملاقات کی ایک تصویر سوشل میڈیا پر خوب وائرل ہوئی تھی جسے کمال نے خود سوشل میڈیا پر شیئر کیا تھا۔
اس کے علاوہ کمل ہاسن نے اپنے سب سے قریبی دوست اور تجربہ کار ہدایتکار منی رتنم کے ساتھ دوبارہ ایک فلم کرنے کا اعلان کیا ہے۔ دونوں ایک پروجیکٹ (KH 234)میں کام کرنے والے ہیں۔ کہا جا رہا ہے کہ یہ فلم 2024 میں سینما گھروں کی زینت بنے گی۔ واضح رہے کہ کمل ہاسن آخری بار لوکیش کنگراج کی فلم 'وکرم' میں نظر آئے تھے۔ فلم نے باکس آفس پر تہلکہ مچا دیا۔ فلم میں ان کے ساتھ ساؤتھ اداکار فہد فیصل بھی اہم کردار میں تھے۔
