حیدرآباد: بالی ووڈ کے سپر اسٹار ریتک روشن نے جمعہ کی رات سونی ایل آئی وی کی مقبول سیریز راکٹ بوائز 2 کی خصوصی اسکریننگ میں شرکت کی۔ اس سیریز میں ریتک کی گرل فرینڈ صبا آزاد ایک اہم کردار میں ہیں۔ یہ جوڑا اسکریننگ میں ایک ساتھ نظر آیا۔ سوشل میڈیا میں سامنے آئی ان کی ایک ویڈیو کو دیکھنے کے بعد صارفین کا ماننا ہے کہ صبا، کنگنا رناوت جیسی ہیں۔ ممبئی میں راکٹ بوائز 2 کی اسکریننگ میں ریتک روشن بلیک سوٹ میں ملبوس نظر آئے۔ اس کے ساتھ انہوں نے ایک سرخ رنگ کا چشمہ بھی لگایا ہوا تھا ۔ 49 سالہ اداکار نے پاپرازی کے لیے تصاویر کھینچائی۔ اس دوران صبا اور ریتک کے درمیان کی کمیسٹری بھی صاف نظر آئی اور دونوں نے کیمرے کے سامنے جم کر پوز دیا۔ تاہم اسکریننگ میں صبا کے لک نے سوشل میڈیا صارفین کو ریتک کی پرانی گرل فرینڈ کنگنا رناوت کی یاد دلا دی۔
- " class="align-text-top noRightClick twitterSection" data="
">
راکٹ بوائز 2 کی اسکریننگ سے ریتک اور صبا کی ایک ویڈیو ایک پاپرازی نے انسٹاگرام پر شیئر کی تھی۔ حیرت کی بات یہ ہے کہ جوڑے کی اس ویڈیو نے ٹرول کو دعوت دے دی ہے کیونکہ صارفین صبا کا موازنہ کنگنا سے کر رہے ہیں۔ ایک صارف نے لکھا کہ ' اس لڑکی سے کنگنا کی وائبس آ رہی ہے'۔ ایک اور صارف نے لکھا کہ 'سستی کنگنا لگ رہی ہے'۔ ایک صارف نے یہ بھی کہا کہ صبا کی "کنگنا رناوت سے مشابہت غیر معمولی ہے'۔ جہاں متعدد سوشل میڈیا صارفین صبا کو ٹرول کر رہے ہیں، وہیں کچھ صارف نے صبا کی حمایت کی اور لکھا کہ ' میں انہیں پسند کرتا ہوں۔۔ وہ ہمیشہ پرانی اداکارہ کی طرح لگتی ہیں۔۔۔کیوں لوگ ہمیشہ دوسرے لوگوں کے تئیں برا رویہ اختیار کرتے ہیں'۔
واضح رہے کہ ریتک ان دنوں سدھارتھ آنند کی فضائی ایکشن فلم فائٹر کی شوٹنگ میں مصروف ہیں۔ فلم میں دیپیکا پڈوکون اور انیل کپور بھی اہم کرداروں میں ہیں۔ فلم کے لیے ریتک نے معروف فٹنس ٹرینر کرس گیتھن کی سربراہی میں 12 ہفتوں تک سخت ٹریننگ لی۔ فلم میکرز نے ابھی تک اس فلم کی شوٹنگ مکمل نہیں کی ہے جو 25 جنوری 2024 کو بڑے پردے پر آنے والی ہے۔
