ممبئی (مہاراشٹر): اداکار گوہر خان جمعرات کو اپنے بیٹے ذہان کے ساتھ پہلی عید منا رہی ہیں۔ اس خاص موقع کے لیے گوہر نے اپنے بیٹے کو ایک خاص لباس پہنائی ہے۔ انسٹاگرام پر گوہر نے ذہان کی ایک خوبصورت تصویر شیئر کی ہے۔ تاہم انہوں نے اس کا چہرہ ظاہر نہیں کیا ہے۔ اس انمول تصویر میںذہان اپنے بسٹر پر لیٹا نظر آرہا ہے اور اس نے پیارے سے موزوں پہن رکھے ہیں اور ساتھ ہی ایک سفید رنگ کی ٹی شرٹ پہنی ہے۔Gauahar Khan first Eid with son
ذہان کے لباس پر ایک خاص پیغام لکھا ہوا ہے۔ اس میں لکھا ہے کہ'میری پہلی عید الاضحی امی اور ابو کے ساتھ' اس تصویر میں ایک خاص تحفہ بھی نظر آرہا ہے جو چھوٹے نواب کو ان کے والد زید دربار سے ملا ہے۔ ذہان کو اپنی پہلی 'جائے نماز' اور 'ٹوپی' اپنے والد سے ملی۔ پوسٹ کو شیئر کرتے ہوئے گوہر نے لکھا کہ 'عید مبارک۔ اس عیدی کے لیے آپ کا شکریہ، والد صاحب نے انہیں ان کی پہلی جائے نماز اور ٹوپی دی ہے!'۔
گوہر اور زید کی شادی 25 دسمبر 2020 کو ہوئی تھی۔ اطلاع کے مطابق دونوں کی ملاقات لاک ڈاؤن کے دوران گروسری کی خریداری کے دوران ہوئی تھی۔ دونوں کی بات وہیں سے شروع ہوئی اور یہ دوستی جلد ہی پیار میں بدل گئی۔ پچھلے سال دسمبر میں جوڑی نے ایک دلکش اینیمیٹڈ ویڈیو کے ساتھ حمل کی خبر کا اعلان کیا اور مئی 2023 میں جوڑی کے گھر ایک بیٹے کی پیدائش ہوئی۔
گوہر نے ایک انسٹاگرام پوسٹ کے ذریعے اپنے بچے کی آمد کی خبر کا اعلان کیا جس میں لکھا تھا ' لڑکا ہوا ہے، اسلام و علیم خوبصورت دنیا، یہ ہماری خوشی کا ذریعہ ہے۔10 مئی 2023 کو ہمارے گھر آیا تاکہ ہمیں یہ احساس دلایا جاسکے کہ خوشی کا اصل مطلب کیا ہے۔ ہمار پیار بچہ، سب کی محبتوں اور دعاؤں کے لیے شکریہ'۔
