حیدرآباد: بالی ووڈ اداکارہ شلپا شیٹی کا شمار ان اداکارہ کے طور پر ہوتا ہے جو اپنی صحت کو لے کر کافی سنجیدہ ہیں۔ اب اداکارہ نے پیر کے روز مداحوں کے ساتھ اپنی ورزش کا ایک ویڈیو شیئر کیا ہے۔ اداکارہ نے اپنے ہفتے کی شروعات بالکل صحتمند طریقے سے کی ہے۔ پیر کے روز شلپا نے اپنے ایک فٹنس روٹین کا ایک ویڈیو انسٹاگرام پر شیئر کیا ہے۔ اس ویڈیو میں اداکارہ کو جم کے کپڑوں میں پیروں کی ورزش کرتے ہوئے دیکھا جاسکتا ہے۔ Shilpa Shetty Workout Video
- " class="align-text-top noRightClick twitterSection" data="
">
اس ویڈیو میں شلپا کو روئنگ مشین پر ورزش کرتے ہوئے دیکھا جاسکتا ہے۔ ویڈیو کے آغاز میں شلپا یہ کہتے ہوئے سنائی دے رہی ہیں کہ "دکھ بھرے دن بیتے رے بھیا اب باڈی آئیو رے'۔ فٹنس کے تئیں اداکارہ کی محنت اور لگن کو دیکھ کر سوشل میڈیا صارفین شلپا کی تعریف کر رہے ہیں۔ 47 سالہ اداکارہ کا شمار بالی ووڈ کی بہترین اداکاراؤں کے طور پر ہوتا ہے۔ اداکارہ کو مداحوں کی جانب سے بے پناہ محبت مل رہی ہے کیونکہ اداکارہ نے ٹانگ پر لگی چوٹ کے تین ماہ بعد ایک بار پھر اپنی صحت پر دھیان دینا شروع کردیا ہے۔ اس ویڈیو کو شیئر کرتے ہوئے شلپا نے ایک طویل نوٹ لکھا ہے جس میں روئنگ مشین پر کی جانے والی ورزش کے فوائد کے بارے میں ذکر کیا گیا ہے۔
واضح رہے کہ شلپا نے فلم نکما کے ساتھ 14 سال کے طویل وقفے کے بعد بڑے پر واپس کی تھی۔ انہیں کامیڈی ڈرامہ فلم ہنگامہ 2 میں بھی دیکھا گیا تھا۔ اداکارہ اگلی بار روہت شیٹی کی ہدایتکاری میں بننے والی ویب سیریز انڈین پولیس فورس میں نظر آئیں گی۔ یہ ایک پولیس ایکشن ڈرامہ فلم ہوگی جسے ایمیزون پرائم ویڈیو پر نشر کیا جائے گا۔ وہ گزشتہ سال اگست ماہ میں ممبئی میں شوٹنگ کے دوران ویب سیریز کے سیٹ پر زخمی ہوگئی تھیں۔اس کے علاوہ ان کے پاس ایک اور فلم سکھی بھی ہے۔ اس فلم کی ہدایتکار سونل جوشی کرنے والی ہیں، جو اس سے قبل دھوم 3 اور جب ہیری میٹ سیجل جیسی فلموں میں بطور اسسٹنٹ ڈائریکٹر کے طور پر کام کرچکی ہیں۔
