حیدرآباد: بالی ووڈ کی 'کوئین' کنگنا رناوت کی ایکشن اور تھرلر فلم 'دھاکڑ' کا ٹریلر جمعہ (29 اپریل) کو ریلیز کر دیا گیا ہے۔ کنگنا نے بتایا کہ فلم کا ٹریلر 29 اپریل کو ریلیز کیا جائے گا۔ کنگنا کے مداح فلم کے ٹریلر کا بے صبری سے انتظار کر رہے تھے۔ فلم 'دھاکڑ' رواں سال 20 مئی کو ریلیز ہو رہی ہے۔ اس سے قبل کنگنا نے فلم کی ریلیز کے حوالے سے مداحوں کے ساتھ کئی پوسٹرز شیئر کیے تھے جس کے بعد کنگنا کے مداح اس تجسس میں مبتلا تھے کہ فلم کب ریلیز ہوگی۔ Dhaakad Trailer Out
فلم میں ارجن رامپال اور دویا دتہ بھی اہم کردار میں ہوں گے۔ اس فلم کو سہیل مکلائی پروڈکشن اور اسائلم فلمز کے بینرز تلے پروڈیوس کیا گیا ہے۔ فلمسازوں نے جنوری میں اعلان کیا تھا کہ فلم یکم اکتوبر کو سینما گھروں میں ریلیز کی جائے گی لیکن کورونا کی وجہ سے تاریخوں کو آگے پیچھے کیا گیا اور اب فلم کو ریلیز کی تاریخ مل گئی ہے۔ Kangana Ranaut in Dhaakad
- " class="align-text-top noRightClick twitterSection" data="">
اس سے قبل کنگنا نے فلم دھاکڑ سے اپنے کردار کی کئی تصاویر شیئر کی تھیں۔ 'دھاکڑ' سے پہلے کنگنا کی فلم 'تھلائیوی' ریلیز ہوئی تھی، جو باکس آفس پر زبردست ہٹ ثابت ہوئی۔اس کے علاوہ کنگنا کے پاس پیریڈ ڈرامہ 'منیکرنیکا ریٹرنز دی لیجنڈ آف دیدا' اور 'تیجس' جیسی فلمیں بھی ہیں۔ بھارت کی پہلی خاتون وزیر اعظم اندرا گاندھی کی زندگی پر مبنی فلم ’ایمرجنسی‘ میں کنگنا دوسری بار بطور ہدایت کار نظر آئیں گی۔ کنگنا جلد ہی ان فلموں کے بارے میں نئی معلومات جاری کریں گی۔
مزید پڑھیں: عرفان خان کی برسی کے موقع پر ان کے چند مشہور مکالموں پر ایک نظر
