نئی دہلی: بالی ووڈ اداکارہ جیکلین فرنانڈیز سے دہلی پولیس کی اقتصادی جرائم ونگ (EOW) کی جانب سے چندر شیکھر منی لانڈرنگ معاملے میں پوچھ گچھ کی جارہی ہے۔ وہ ای او ڈبلیو کے دفتر پہنچ گئی ہیں۔ اس سے قبل ای او ڈبلیو نے اداکارہ کی درخواست پر انکوائری کی تاریخ معطل کردی تھی اور پوچھ گچھ کے لیے آج کی تاریخ مقرر کی تھی۔ فرنانڈیز کے علاوہ ان کی ساتھی پنکی ایرانی کو بھی تفتیش میں شامل ہونے کے لیے طلب کیا گیا جبکہ امکان ہے کہ دونوں سے ایک ساتھ پوچھ گچھ کی جائے گی۔Jacqueline Fernandez
ونگ کے ذرائع نے بتایا کہ انہوں نے سوالناموں کی ایک لمبی فہرست تیار کی ہے جو اداکارہ سے پوچھے جائیں گے۔ ذرائع کا کہنا ہے کہ ' ہم اداکارہ سے چندرشیکھر کے ساتھ ان کے تعلقات اور ٹھگ سے ملنے والے تحائف، رقم کے بارے میں پوچھیں گے۔ ہم ایرانی اور فرنانڈیز دونوں سے پوچھ گچھ کریں گے۔امکان ہے کہ پوچھ گچھ دو تین دن تک چل سکتی ہے۔ ایرانی اور فرنانڈیز سے جو سوالات پوچھے جائیں گے وہ چندر شیکھر کے جھوٹ کو پکڑنے کے لیے اعلی احکام نے تیار کیے ہیں۔
-
Jacqueline Fernandez arrives at EOW office in Delhi in connection with the conman Sukesh Chandrashekhar money Laundering case https://t.co/XFDrF8xDaB pic.twitter.com/qzkIfe9Tzh
— ANI (@ANI) September 14, 2022 " class="align-text-top noRightClick twitterSection" data="
">Jacqueline Fernandez arrives at EOW office in Delhi in connection with the conman Sukesh Chandrashekhar money Laundering case https://t.co/XFDrF8xDaB pic.twitter.com/qzkIfe9Tzh
— ANI (@ANI) September 14, 2022Jacqueline Fernandez arrives at EOW office in Delhi in connection with the conman Sukesh Chandrashekhar money Laundering case https://t.co/XFDrF8xDaB pic.twitter.com/qzkIfe9Tzh
— ANI (@ANI) September 14, 2022
اداکارہ سے یہ بھی پوچھا جائے گا کہ انہوں نے کتنی بار سکیش سے ذاتی طور پر ملاقات کی تھی اور کتنی بار ان کے ساتھ فون پر بات ہوئی تھی۔ای او ڈبلیو نے پنکی ایرانی کو بھی طلب کیا ہے، جس نے جیکلین کی ملاقات سکیش کے ساتھ کرانے میں مدد کی تھی۔
دہلی پولیس کے اقتصادی جرائم ونگ (EOW) کی جانب سے اداکارہ کو یہ تیسرا سمن ہے۔ اس سے قبل دہلی پولیس نے جیکلین کو پوچھ گچھ کے لیے 29 اگست اور 12 ستمبر کو دو سمن بھیجے تھے۔
اس سے قبل ستمبر کے پہلے ہفتے میں اقتصادی جرائم ونگ کے حکام نے اس کیس میں ایک اور بالی ووڈ اداکارہ نورا فتحی کی گواہی ریکارڈ کی تھی۔
چندر شیکھر کو فورٹس ہیلتھ کیئر کے سابق پروموٹر شیوندر موہن سنگھ کی بیوی آدیتی سنگھ سمیت کچھ مشہور شخصیت کے ساتھ دھوکہ دہی کرنے کے الزام میں گرفتار کیا گیا تھا۔
وہیں انفورسمنٹ ڈائریکٹوریٹ نے بھی بالی ووڈ کے متعدد اداکاروں اور ماڈلز سے چندر شیکھر کے ساتھ ان کے مبینہ روابط پر پوچھ گچھ کی ہے۔ پچھلے سال اپریل میں 2017 کے الیکشن کمیشن رشوت کیس سے متعلق منی لانڈرنگ کیس میں چندر شیکھر کوگرفتار کیا گیا تھا۔
