حیدرآباد: شاہد کپور کی آنے والی فلم بلڈی ڈیڈی کے میکرز نے بدھ کے روز فلم کے ٹریلر کی نقاب کشائی کی۔ ٹریلر میں شاہد کو ایک خطرناک لیکن دمدار ایکشن اوتار میں دیکھا جا سکتا ہے کیونکہ وہ ایک ایسے رشتے کو بچانے کے لیے تمام مشکلات کا مقابلہ کرتے ہیں جو ان کے لیے ان کی دنیا ہے۔ بلڈی ڈیڈی کے ٹریلر میں سنجے کپور، رونیت رائے، راجیو کھنڈیلوال اور ڈیانا پینٹی کی جھلک بھی دیکھنے کو ملی ہے۔Bloody Daddy trailer out
تقریباً دو منٹ کے اس طویل ٹریلر کا آغاز شاہد کے ساتھ ہوتا ہے جس میں وہ ایک ایسی رات کی کہانی بیان کرتے ہیں جس نے ان کی دنیا الٹ پلٹ کردی۔ ٹریلر اس بات کی بھی جھلک دیتا ہے کہ کس طرح شاہد اس رشتے کو بچانے کے لیے ہر حد پار کردیتے ہیں جو ان کے لیے واقعی اہمیت رکھتا ہے۔ اس دوران ان کا سامنا منیشات اسمگلرس اور قاتلوں سے ہوتا ہے۔
- " class="align-text-top noRightClick twitterSection" data="">
اس فلم میں علی عباس ظفر کے ساتھ کام کرنے اور بلڈی ڈیڈی میں ان کے کردار کے بارے میں بات کرتے ہوئے شاہد نے پہلے کہا تھا کہ اس فلم میں کام کرنا بہت مزے کا ثابت ہوا۔اداکار نے علی کی تعریف بھی کی اور کہا کہ وہ ایکشن فلم کو اچھی طرح سمجھتے ہیں اور اس وجہ سے فلمساز کے ساتھ کام کرنا مزید خوشگوار ہوجاتا ہے۔
اداکار نے یہ بھی بتایا کہ کس طرح ان کے رقص کے تجربے نے انہیں ایکشن کوریوگرافی کو واقعی تیزی سے سمجھنے میں مدد کی۔ شاہد نے کہا کہ لندن اور ہالی ووڈ سے آنے والے ایکشن ڈائریکٹرز کی ٹیم قدرے شکوک و شبہات میں تھی اور انہیں یہ محسوس ہورہا تھا کہ یہ اچھا نہیں ہونے والا ہے کیونکہ وہ ایکشن سیکونس سے پہلے بہت سی ریہرسل کرنے کے عادی ہیں۔ تاہم شاہد نے ایکشن سین کو بہت جلدی سیکھ لیا کیونکہ وہ ایک ڈانسر ہیں اور چیزوں کو تیزی سے یاد کرنا انہیں آتا ہے۔ بلڈی ڈیڈی 9 جون کو جیو سنیما پر ریلیز ہوگی۔
مزید پڑھیں:Shahid and Kriti Film Wrap: شاہد کپور اور کریتی سینن کی ایک ساتھ پہلی فلم کی شوٹنگ مکمل
