حیدرآباد: بگ باس او ٹی ٹی 2 کے کنٹیسنٹ کو گھر میں رہتے ہوئے 45 دن ہوگئے ہیں اور جیسے جیسے فائنل قریب آرہا ہے ان کے درمیان ٹرافی جیتنے کی بھی جنگ تیز ہوگئی ہے۔ بگ باس او ٹی ٹی 2 کے 45 ویں ایپی سوڈ میں کچھ یادگار اور چونکا دینے والے واقعات دیکھنے کو ملے، یہ ایپی سوڈ نامینیشن پر مرکوز تھا۔Bigg Boss OTT 2 day 45
ایلوش یادو نے بیبیکا دھووے سے معافی مانگی
ایلوش نے بیبیکا سے بات کرنے کی کوشش کی لیکن وہ اسے نظر انداز کرتی رہی۔ معافی مانگنے کی کوشش میں ایلویش نے ان سے کہا کہ 'میں نہیں جانتا کہ لڑکی سے کیسے معافی مانگوں، لیکن میں اپنی والدہ کی قسم کھا کر کہتا ہوں کہ میں جذباتی ہو جاتا ہوں تو ایسی زبان استعمال کرتا ہوں، میرے الفاظ پھسل جاتے ہیں اور مجھے اس پر افسوس ہے'۔ انہوں نے مزید وضاحت دیتے ہوئے کہا کہ انہوں نے جو کچھ بھی کہا وہ محض اس لمحے کی شدت کی وجہ سے ہوا تھا۔ انہوں نے بیبیکا سے کہا کہ وہ وقت نکال کر اس کے بارے میں سوچیں۔
پوجا بھٹ نے اپنی زندگی کے کمزور وقت کے بارے میں بات کی
پوجا نے جیا شنکر کے ساتھ اپنی زندگی کے سب سے مشکل وقت کے بارے میں کھل کر بات کی۔ شادی کے 11 سال بعد طلاق لینے پر بات کی۔ انہوں نے کہا کہ انہیں علیحدگی اختیار کرنے جیسا مشکل فیصلہ اس لیے لینا پڑا کیونکہ وہ مزید اپنے آپ کو دھوکہ نہیں دے سکتی تھی۔ بھٹ نے وضاحت کی کہ ان کے شوہر کوئی برے انسان نہیں تھے لیکن انہیں یہ احساس ہورہا تھا کہ وہ اس رشتے کی وجہ سے اپنی ذاتی شناخت کھو رہی ہیں۔ انہوں نے پریشانی سے نمٹنے کے لیے شراب پینے لگیں اس یقین کے ساتھ کہ اس سے انہیں خود کو دوبارہ تلاش کرنے میں مدد ملے گی۔ تاہم انہیں یہ جلد ہی احساس ہو گیا کہ شراب پینا انہیں زیادہ نقصان پہنچا رہا ہے اور یہ انہیں خود کو مزید کھونے پر مجبور کر رہا ہے۔ پوجا نے انکشاف کیا کہ یہ ان کی زندگی کا ایک مشکل وقت تھا، لیکن انہوں نے اس پر قابو پانے اور اس سے باہر نکالنے کے لیے بہادری سے لڑائی لڑی۔
نامزد امیدوار
اس ہفتے کے نامزد افراد میں جیا، جد، منیشا اور اویناش شامل ہیں۔ گھر کے محفوظ کنٹیسٹنٹ میں پوجا بھٹ، بیبیکا دھووے، ایلویش یادو اور ابھیشیک ملہن شامل ہیں۔ انہوں نے آخری ہفتے میں جگہ بنانے پر ایک دوسرے کو مبارکباد دی۔
