ممبئی: عوام کا سب سے زیادہ مقبول ترین شو بگ باس کے سیزن 17 کا شاندار آغاز 15 اکتوبر کو ہوا گیا ہے۔ بالی ووڈ کے بھائی جان سلمان خان اس شو کے میزبان ہیں، اس سال شو کا آغاز سلامن کاں کے دھماکہ خیز ڈانس پرفارمنس کے ساتھ ہوا۔ جس کے بعد سلمان نے ایک ایک کر کے شو میں شرکت کرنے والے کنٹیسٹنٹ کا استقبال کیا۔ اس کے ساتھ ہی شو میں داخل ہونے والے فائنل کنٹیسٹنٹ کے نام بھی سامنے آچکے ہیں۔
بگ باس سیزن 17 کے فائنل کنٹیسٹنٹ کی پوری فہرست
منارا چوپڑا:
بگ باس 17 کے گھر میں داخل ہونے والی پہلی کنٹیسٹنٹ منارا چوپڑا ہیں۔ منارا چوپڑا تلگو، تمل، ہندی اور کنڑ فلموں میں اداکاری کرتی ہیں، منارا پرینکا چوپڑا کی کزن بھی ہیں اور حال ہی میں ڈائریکٹر نے پریس کانفرنس کے دوران منارا کو بوسہ لیا تھا جس کی وجہ سے وہ خبروں میں آگئی تھیں۔
منور فاروقی:
اسٹینڈ اپ کامیڈین منور فاروقی کو اس سے پہلے بگ باس اور خطروں کے کھلاڑی کے آخری سیزن کی پیشکش ہوئی تھی۔ لیکن کسی وجہ سے وہ اس میں حصہ نہیں لے سکے تھے۔ تاہم ان کے مداحوں کے لیے ایک اچھی خبر ہے کہ انھوں نے بگ باس 17 میں انٹری لے لی ہے۔ منور نے کنگنا کے شو لاک اپ کا پہلا سیزن بھی جیتا تھا۔
انکیتا لوکھنڈے اور وکی جین
بھارت مشہور ٹی وی سیریل پوِتر رشتہ کی اداکارہ انکیتا لوکھنڈے بگ باس کے 17ویں سیزن میں حصہ لے رہی ہیں۔ اس کے علاوہ بزنس مین اور انکیتا لوکھنڈے کے شوہر وکی جین بھی اس بار بگ باس کا حصہ بنے ہیں۔ وہ اپنی اہلیہ کے ساتھ شو میں داخل ہوئے ہیں۔
نیل بھٹ اور ایشوریہ شرما
نیل بھٹ نے انٹرٹینمنٹ انڈسٹری میں اس وقت قدم رکھا جب انہوں نے ایک ڈانس ریئلٹی شو میں حصہ لیا اور اس کے فاتح بھی بن گئے۔ اس کے بعد انہوں نے کئی ٹی وی شوز میں بطور اداکار کام کیا۔ اب وہ اپنی اہلیہ ایشوریہ شرما بھٹ کے ساتھ 'بگ باس 17' میں کنٹیسٹنٹ کے طور پر حصہ لے رہے ہیں۔
نوید سول:
اس بار کے بگ باس شو میں ایک غیر ملکی باشندے نے بھی انٹری کی ہے، جس کا نام نوید سول ہے۔ نوید لندن میں ایک فارماسسٹ ہیں جو اطالوی اور فارسی نژاد ہیں۔ ان کے انسٹاگرام پر 90 ہزار سے زیادہ فالوورز ہیں۔ نوید سول، منارا چوپڑا، منور فاروقی، نیل بھٹ-ایشوریہ شرما کے بعد پانچویں کنٹیسٹنٹ ہیں۔
انوراگ ڈوبھال:
بگ باس 17 میں یوٹیوبرز اور ریپرز کو شامل کرنے کے رجحان کو جاری رکھتے ہوئے بگ باس بنانے والوں نے مشہور یوٹیوبر انوراگ ڈوبھال کو 'بگ باس 17' میں شامل کیا ہے۔ انوراگ ڈوبھال، جسے UK07 رائیڈر کے نام سے بھی جانا جاتا ہے، وہ ایک موٹو بلاگر اور سوشل میڈیا انفلونسر ہیں۔ انہوں نے جنوری 2018 میں یوٹیوبر کے طور پر اپنے کیریئر کا آغاز کیا فی الوقت ان کے انسٹاگرام پر 7.21 ملین یوٹیوب سبسکرائبرز اور 5.1 ملین سے زیادہ فالوورز ہیں۔
ثنا رئیس خان:
ثنا رئیس خان ایک ہائی پروفائل کریمنل وکیل ہیں، جو اپنے حالیہ آریان خان کے منشیات کیس کے لیے مشہور ہوئی تھیں۔ اس بار ثنا بھی بگ باس 17 کے گھر میں باضابطہ طور پر انٹری لی ہے۔
جِگنا وورا:
جگنا وورا ایک ایسا نام ہے جو کسی تعارف کی محتاج نہیں، وہ ایک سابق بھارتی صحافی ہیں، جو حالیہ دنوں میں اپنی زندگی پر مبنی ایک ویب شو اسکوپ کے لیے سرخیوں میں رہی ہیں۔ اس میں اداکارہ تمنا بھاٹیہ نے جگنا وورا پر مبنی کردار ادا کیا ہے۔ جگنا اس بار بگ باس 17 کا حصہ ہیں۔
سونیا بنسل:
آگرہ کی رہائشی سونیا بنسل نے اپنے کیریئر کا آغاز بطور ماڈل کیا اور شکتی کپور کی فلم 'گیم 100 کروڑ کا' سے بالی ووڈ میں قدم رکھا۔ اس کے علاوہ وہ ساؤتھ انڈین فلم 'دھیرا' میں بھی کام کیا ہے۔ اب وہ بگ باس 17 کا حصہ بننے جا رہی ہیں۔
فیروزہ خان:
فیروزہ خان کو 'خانزادی' کے نام سے بھی جانا جاتا ہے، فیروزہ ایک ریپر اور گلوکارہ ہیں، وہ ریپنگ شو ہسل 2.0 میں نظر آئیں۔ خانزادی خود کو 'آزاد پرندہ' کہتی ہیں اور اس بار بگ باس 17 میں دھوم مچانے کے لیے تیار ہیں۔
سنی آریہ:
اس بار یوٹیوبر سنی آریہ بھی 'بگ باس 17' کے گھر میں داخل ہوئے ہیں۔ سنی کے یوٹیوب چینل کا نام تہلکا پرینک ہے جس کے 3.74 ملین سبسکرائبر ہیں۔ اپنے مذاق سے سب کو ہنسانے والے سنی اب متنازع شو میں اپنا جادو دکھائیں گے۔
رنکو دھون:
شوبز میں اپنے دو دہائیوں سے زیادہ طویل سفر میں رنکو دھون 'یہ وعدہ رہا'، 'گپتا برادرز'، 'نا بولے تم نہ میں کچھ کہا' جیسے شوز کا حصہ رہ چکی ہیں۔ ان کی شادی ٹیلی ویژن اداکار کرن کرماکر سے ہوئی تھی، جن کے ساتھ انھوں نے 'کہانی گھر گھر کی' میں کام کیا اور آن اسکرین بہن کا کردار ادا کیا۔ اب وہ بگ باس 17 کے مقابلہ کرنے والوں میں سے ایک ہیں۔
ارون ماشیٹی:
بگ باس 17 کے کنٹیسٹنز میں سے ایک ارون سری کانت ماشیٹی ایک گیمر ہیں جو یوٹیوب چینل چلاتے ہیں جہاں وہ گیمز کھیلتے ہیں اور گیمز کھیل کر اپنے مداحوں کی تفریح کرتے ہیں۔ انسٹاگرام پر ان کے کافی زیادہ فالوورز ہیں اور وہ حیدرآباد کے رہائشی ہیں۔
ابھیشیک کمار:
ابھیشیک پانڈے کے نام سے پیدا ہوئے ابھیشیک کمار ایک ایسے اداکار ہیں جنہوں نے 'اڈاریاں' میں امریک سنگھ کا کردار ادا کیا اور کافی سرخیاں بنائیں۔ سوشل میڈیا پر مشہور ابھیشیک اس بار بگ باس 17 کا حصہ ہیں۔
ایشا مالویہ:
ایشا نے اپنے کریئر کا آغاز سرگن مہتا اور روی دوبے کے ٹی وی شو ’اڈاریاں‘ سے کیا۔ جس میں انہوں نے جیسمین کور سندھو کا کردار ادا کیا تھا۔ ایشا 2017 میں 'مِس مدھیہ پردیش'، 2018 میں 'مدھیہ پردیش کی شان'، 2018 میں 'مس ایل این سیٹی اوپن کمپیٹیشن'، 'مس ٹین آئیکن انڈیا، بھوپال' اور 'مس ٹین انڈیا ورلڈ وائیڈ' جیسے مقابلوں کا حصہ تھیں۔ اب وہ بگ باس 17 کے گھر کے کنٹیسٹنٹوں میں سے ایک ہیں۔
