ممبئی: بالی ووڈ اداکار آدتیہ رائے کپور کی فلم گمراہ 7 اپریل کو ریلیز ہوگی۔ فلم گمراہ میں آدتیہ رائے کپور اور مرنال ٹھاکر کی جوڑی نظر آئے گی۔ یہ ایک کرائم تھرلر فلم ہے جس میں آدتیہ رائے کپور ڈبل رول میں نظر آئیں گے۔ آدتیہ رائے کپور نے کچھ عرصہ قبل اس فلم کے بارے میں بات کرتے ہوئے کہا تھا کہ، 'میں ایسی دلچسپ کہانی کا حصہ بننے کے لیے متاثر اور پرجوش ہوں۔ ایک اداکار ہونے کے ناطے، ڈبل رول ادا کرنا دگنی خوشی کے ساتھ ساتھ چیلنج بھی ہے اور میں یقینی طور پر اس کے لیے تیار ہوں! میں اس ایکسائٹنگ تھرلر کو جلد ہی پردے پر لانے کے لئے بھوشن جی، مراد بھائی اور وردھن کے ساتھ کولائبریٹ کرنے کے لیے پرجوش ہوں۔' بتایا جا رہا ہے کہ گمراہ تمل فلم تھڈم کا ہندی ریمیک ہے۔ اس فلم میں ارون وجے اور ودیا پردیپ مرکزی کردار میں نظر آئے تھے۔ فلم گمراہ کو بھوشن کمار کی ٹی سیریز اور مراد کیدانی کی سنے-1 نے پروڈیوس کیا ہے۔ فلم گمراہ 7 اپریل کو ریلیز ہوگی۔
واضح رہے کہ 20 جنوری کو آدتیہ رائے کپور کی سیریز دی نائٹ منیجر کا ٹریلر ریلیز کیا گیا۔ برطانوی سیریز دی نائٹ منیجر کے ہندی ریمیک کا ٹریلر آج ریلیز کردیا گیا ہے، جس میں دکھایا گیا ہے کہ کیسے ایک ہوٹل کا عام ملازم انڈر کور ایجنٹ بننے کے بعد اسلحہ اسمگلنگ کے خطرناک دنیا میں قدم رکھتا ہے۔ تاہم ایک بار جب وہ کسی مشن کا حصہ بننےکا فیصلہ کرتا ہے تب اسے اپنی جان کی بازی لگانے کا بھی ڈر نہیں ہوتا۔ یہ آئندہ سیریز ڈزنی پلس ہاٹ اسٹار میں ریلیز ہوگی جس میں آدتیہ رائے کپور اور انیل کپور مرکزی کردار میں ہوں گے۔ ان کے علاوہ سوبھیتا دھولیپالا، تلوتما شومے، ساسوتا چٹرجی اور روی بہل بھی اہم کردار میں ہیں۔
یہ بھی پڑھیں: The Night Manager trailer: آدتیہ رائے کپور اور انیل کپور کی آئندہ سیریز 'دی نائٹ منیجر' کا ٹریلر ریلیز
یو این آئی
