وارانسی: کاشی وشوناتھ دھام کی تعمیر نو کے بعد یہاں کئی مشہور شخصیات اور وی آئی پی مسلسل پہنچ رہے ہیں۔ جمعہ کے روز فلم اداکار سنیل شیٹی وارانسی میں تھے اور کاشی وشوناتھ مندر کی زیارت کرنے آئے تھے۔ یہاں انہوں نے پوجا پاٹ کی۔ اس دوران ان کے ساتھ ایک اور چہرہ بھی تھا جسے بعد میں لوگوں نے پہچان لیا۔ سنیل شیٹی کے ساتھ فلم 'میں ہوں نا' سے مشہور ہونے والے زید خان بھی وشوناتھ مندر پہنچے۔ انہوں نے باضابطہ طور پر مندر پر پہنچ کر درشن اور پوجا پاٹ کی۔
ہندی فلم انڈسٹری میں فلموں کے ذریعے اپنی ایک الگ پہچان بنانے والے فلمی اداکار زید خان جمعہ کو سنیل شیٹی کے ساتھ جونپور میں گنیش اتسو میں شرکت کے لیے پہنچے تھے۔ جونپور میں جاری گنیش اتسو میں کئی بڑے ستارے مختلف پروگراموں میں حصہ لینے آ رہے ہیں۔ اس سلسلے میں سنیل شیٹی اور زید خان بھی پہنچے۔ پھر وہاں سے دونوں وارانسی پہنچے اور وشوناتھ مندر میں پوجا کی۔ سنیل شیٹی نے میڈیا سے بھی بات کی اور کہا کہ مجھے جب موقع ملا بار بار وشوناتھ مندر آنے کی کوشش کروں گا۔
یہ بھی پڑھیں: سنجے خان اپنے بیٹے زید خان کو ری لانچ کریں گے
اس درمیان کچھ لوگوں نے زید خان کی تصویر سوشل میڈیا پر اس پیغام کے ساتھ وائرل کرنا شروع کر دیا کہ وہ وشوناتھ مندر کے 'گربھ گرہ' میں داخل ہو گئے۔ اس میں لکھا گیا کہ فرح خان کی فلم 'میں ہوں نا' سے مشہور ہونے والے اداکار زید خان جمعہ کو کاشی ویشناتھ مندر پہنچے۔ اس دوران وہ وشوناتھ مندر کے 'گربھ گرہ' میں گئے اور وشوناتھ کے درشن کیے۔ فی الحال زید نے وشوناتھ کی پوجا کرنے کے بعد اپنے انسٹا اکاؤنٹ پر تصاویر بھی شیئر کی ہیں، جس میں 'اوم نمہ شیوائے' لکھا ہوا اسکارف پہنے ہوئے نظر آرہے ہیں۔ ان کے گلے میں پھول اور 'رودراکش' کی مالا بھی دیکھی جا سکتی ہے۔
