نوٹ بندی آزادی کے بعد کا سب سے بڑا گھوٹالہ: کپل سبل

کانگریس کے سینئر رہنما کپل سبل گجرات کے دورے پر ہیں اس موقع پر انہوں نے ایک پریس کانفرنس سے خطاب کرتے ہوئے کہا کہ نوٹ بندی آزادی کے بعد کا سب سے بڑا گھوٹالہ ہے۔

انھوں نے مزید کہا کہ نوٹ بندی کی وجہ سے بڑی تعداد میں لوگ ہلاک بھی ہوئے اور اس سے ہزاروں لوگ بے روزگار ہوگئے جس وجہ سے ملک کی عوام کو کافی پریشانیاں جھیلنی پڑیں اور نوٹ بندی سے لوگ اب تک متاثر ہے۔

کپل سبل نے یہ بھی کہا کہ اب یہ ملک کو طے کرنا ہے کہ کون چور ہے اور کون چوکیدار، حکومت بدلنے پر نوٹ بندی پر جانچ کرائی جائے گی۔

سبل نے پریس کانفرنس میں نوٹ بندی کے تعلق سے ایک ویڈیو بھی دکھائی اور یہ کہا کہ نوٹ بندی گھوٹالے میں کئی سرکاری افسران کے علاوہ بی جے پی کے کئی رہنما بھی شامل تھے-