'بی جے پی صرف وعدے کرتی ہے'

بی جے پی کی سابق رکن پارلیمان اور موجودہ کانگریس پارٹی سے امیدوار ساوتری بائی پھولے نے کہا کہ بی جے پی صرف وعدے کرتی ہے، اسے پورا نہیں کرتی۔

ای ٹی وی بھارت سے خصوصی بات چیت کرتے ہوئے ساوتری بائی پھلے نے کہا کہ بی جے پی کا انتخابی منشور محض ایک دکھاوا ہے، اس کا حقیقت سے کوئی تعلق نھیں ہے۔

انہوں نے کہا کہ سنہ 2014 میں بھی بی جے پی نے بڑے بڑے وعدے کیے تھے، لیکن پانچ برسوں کے بعد ان کا ایک بھی وعدہ پورا نہیں ہوا، اسی طرح انہوں نے عوام کو ورغلانے کیلئے مختلف وعدے کیے ہیں، لیکن انہیں کبھی پورا نہیں کر پائی۔

جہاں تک رام مندر بنانے کا سوال ہے تو بی جے پی بہت پہلے سے ایسا کہتی آئی ہے، لیکن حکومت میں رہ کر کبھی اسکی کوشش نہیں کی۔

ساوتری بائی پھولے نے کہاکہ اس بار دلت، بچھڑا اور مسلمان سماج کانگریس کے ساتھ ہے اور ملک میں جمہوریت بحال کرنے کے لیے کانگریس کو جیت دلانا نہایت ضروری ہے۔