سشما سوراج نے بی جے پی مہیلا سمیلن میں شرکت کر عوام سے بی جے پی کو ووٹ کرنے کی اپیل کی اور انھوں نے اس موقع پر وزیراعظم مودی کی کارکردگی کو سراہا اور گزشتہ پانچ برسوں میں حکومت کے ذریعے کیے گئے کاموں کے بارے میں بتایا۔
انہوں نے سمیلن سے خطاب کرتے ہوئے کہا کہ پاکستان پر اری حملے پر سرجیکل اسٹرایک اور پلوامہ حملے کے جواب میں ائیراسٹرایک کرکے مودی نے پاکستان کو جواب دیا۔
انہوں نے مزید کہا کہ مودی نے تین طلاق کا قانون لوک سبھا سے منظور کروایا جو کہ ابھی راجیہ سبھا میں زیرالتوأ ہے اور یہ کام' مودی ہے تو ممکن ہے'۔
سشما سوراج نے یہ بھی کہا کہ بی جے پی حکومت نے تمام طبقات اور تمام مذاہب کے لیے کام کیا ہے وہ یہ سب کام اتنی تیزی کے ساتھ اس لیے کر سکے کیونکہ مودی کے پاس مکمل اکثریت والی حکومت تھی، اور اب وہ چاہتی ہیں کہ وہی حکومت دوبارہ ملک کے لیے کام کرے۔
