سنی دیول کا کانگریس رکن اسمبلی پر دھمکانے کا الزام

پنجاب کے گرداس پور لوک سبھا حلقے سے بھارتیہ جنتا پارٹی کے امیدوار اور فلم اداکار سنی دیول نے گردواس پور کے کانگریسی رکن اسمبلی برندا میت سنگھ پہارا پر ضلع کے بھونبلی گاؤں کے ووٹرز کو دھمکانے کا الزام لگایا ہے۔

بی جے پی ذرائع نے آج بتایا کہ سنی دیول کے وکیل انل مہتا نے اس تعلق سے انتخابی کمیشن سے شکایت درج کرائی ہے اور شکایت کے ساتھ ویڈیو بھی جمع کیا ہے جس میں ایم ایل اے گاؤں والوں کو مبینہ طور سے دھمکی دے رہے ہیں کہ انہیں پتہ چل ہی جائے گا کہ ووٹ کسے دیا گیا ہے اس لئے کانگریس امیدوار کے علاوہ کسی کو بھی ووٹ دینے سے پہلے سوچ لیں۔