مغربی بنگال کی وزیر اعلیٰ ممتا بنرجی نے بھارتی گھوش کو مخاطب کرتے ہوئے کہا کہ مجھے منہ کھولنے پر مجبور مت کیجئے، آپ لوگوں کے سامنے غلط بات کر رہی ہیں، اپنی حد پار نہ کریں۔'
غورطلب ہے کہ مغربی بنگال کی گھاٹل پارلیمانی حلقہ سے عام انتخابات میں بی جے پی کی ٹکٹ پر اپنی قسمت آزما رہیں سابق آئی پی ایس افسر بھارتی گھوش نے ترنمول کانگریس کے کارکنان کودھمکی دیتے ہوئے مبینہ طور پر کہا،'اگر ووٹرس کو دھمکی دی گئی تو انہیں گھر سے کھینچ کر باہر نکالا جائے گا اور کتوں کی طرح پیٹا جائے گا۔'
انہوں نے اس کے لیے اتر پردیش سے ایک ہزار نوجوانوں کو بلانے کی بھی بات کہی ہے۔
وہیں بی جے پی کے ریاستی سیکریٹری نے ساینتن باسو نے بھارتی گھوش کا دفاع کرتے ہوئے کہا،' اس کی شروعات ٹی ایم سی کی جانب سے کی گئی تھی۔ انہیں پہلے اس طرح کی زبان کا استعمال بند کرنا چاہیئے۔ میں نے گھوش کا بیان نہیں سنا، لیکن غنڈوں سے بات کرنے کے لیے غنڈوں جیسا ہی زبان کا استعمال کرنا پڑے گا۔
گھوش کے اس بیان پر سی پی ایم رہنما سجان چکر ورتی نے کہا،' گھوش ٹی ایم سی کے بے حد قریبی تھیں، لیکن بعد میں انہوں نے بی جے پی میں شمولیت اختیار کر لیں۔ بنگال میں ترنمول اور بی جے پی دونوں کی ایک جیسی ہیں۔ بنگال کی عوام دیکھ رہی ہے۔
