ریاست اترپردیش کے سہارنپور پارلیمنٹری سیٹ سے کانگریس کے امیدوار عمران مسعود پر ایک بار پھر ضابطہ اخلاق کی خلاف ورزی کا الزام لگا ہے۔
ایک وائرل ویڈیو میں عمران مسعود سہارنپور کے ایک انتخابی اجلاس میں نوٹ بانٹتے دکھائی دے رہے ہیں۔
یاد رہے کہ سنہ 2014 میں نریندر مودی کو بوٹی بوٹی کرنے کی دھمکی والے بیان دینے کے بعد سرخیوں میں آئے عمران مسعود ہمیشہ سے کسی نہ کسی مسئلہ میں گھرے رہتے ہیں۔
حال ہی میں ایک انتخابی اجلاس میں وزیراعظم نریندر مودی کو ریاست اترپردیش کے وزیراعلیٰ یوگی آدتیہ ناتھ کا 'ابّا' بتانے اور سہارنپور پارلیمانی سیٹ سے بی جے پی امیدوار راگھو لکھن پال شرما کو'فُٹ فُٹ'کہتے ہوئے ایک ویڈیو وائرل ہوا تھا۔
اب ایک اور نیا ویڈیو سوشل میڈیا پر خوب وائرل ہو رہا ہے، جس میں سابق رکن اسمبلی اور کانگریس امیدوار ایک انتخابی اجلاس میں نوٹ بانٹتے ہوئے نظر آرہے ہیں۔
