پچاس فیصد وی وی پیٹ رسیدوں کی تصدیق کا مطالبہ

اپوزیشن جماعتوں سے متعلقہ رہنماؤں نے الیکشن کمیشن کے طرز عمل اور طریقہ کار پر سوال اٹھائے اور کمیشن پر ایک طرفہ اقدمات کا الزام لگایا۔

دہلی کے کانسٹی ٹیوشن کلب میں اپوزیشن جماعتوں کا اہم اجلاس منعقد ہوا۔
اس موقع پر وزیراعلی آندھراپردیش چندرابابو نائیڈو،کانگریس رہنما کپل سبل، وزیر اعلی دہلی اروند کیجریوال اور دیگر نے میڈیا سے بات کی۔
چندرابابو نائیڈو نے کہا کہ 'ملک کی جمہوریت کو بچانے کیلئے اور ووٹرس کے اعتماد کو بحال کرنے کیلئے پچاس فیصد وی وی پیٹس کی تصدیق کرنا لازمی ہے'۔
عام آدمی پارٹی سربراہ وزیراعلی دہلی اروند کیجریوال نے کہا کہ ووٹرس ووٹ اپنی پسند کے امیدوار کو ووت دیتے ہیں مگر وہ کہتے ہیں کہ ان کا ووٹ ایک مخصوص پارٹی کے امیدوار کے حق میں جاتا ہے،کیونکہ اس میں پروگرام اس طرح کا رکھا جاتا ہے۔
کپل سبل نے سوال کیا کہ اخر الکشن کمیشن کو ایسی کیا پریشانی ہیکہ وہ پچاس فیصد وی وی پیاٹس کی تصدیق کے عمل سے بچنا چاہتے ہیں۔