سو برس کی خاتون نے ڈالا ووٹ

ریاست راجستھان میں گذشتہ روز بارہ لوک سبھا سیٹوں کے لیے ووٹنگ ہوئی۔ اس دوران لوگوں نے اپنے حق رائے دہی کا بڑھ چڑھ کر استعمال کیا۔

ریاست کے ضلع ناگور پارلیمانی حلقے میں سو برس کی رائے دہندہ بدامی دیوی نے بھی اپنے حق رائے دہی کا استعمال کیا۔

بدامی دیوی ضلع کے گوگلا گاؤں میں جب پولنگ مرکز پر پہنچی تو سکیورٹی پر مامور اہلکار نمائندگان حیران رہ گئے۔

خاص بات یہ ہے کہ سو برس کی معمر خاتون بدامی دیوی نے اپنے بیٹے سے پولنگ مرکز پر پہنچانے کے لیے اور ووٹ ڈالنے کی منشا ظاہر کی۔ جس کے بعد ان کے بیٹے نے انہیں پولنگ مرکز پر پہنچایا جہاں انہوں نے اپنے حق رائے دہی کا استعمال کیا۔