چھٹے مرحلے کے تحت 12 مئی کو ووٹ ڈالے جائیں گے۔
اس مرحلے کے تحت مرکزی وزیر مینکا گاندھی(سلطان پور)سماج وادی پارٹی اکھلیش یادو(اعظم گڑھ) یو پی کابینہ میں وزیر ریتا بہو گنا جوشی( الہ آباد) سے انتخابی میدان میں ہیں۔
الیکشن کمیشن ذرائع کے مطابق چھٹے مرحلے کے لئے پرچہ نامزدگی کا عمل 23 اپریل تک جاری رہے گا جبکہ کاغذات کی جانچ اس کے اگلے دن ہوگی۔ امیدوار اپنا نام 26 اپریل تک اپنا نام واپس لے سکیں گے۔
چھٹے مرحلے کے تحت جن 14 پارلیمانی سیٹوں پر ووٹ ڈالے جائیں گے ان میں سیتا پور، پرتاپ گڑھ، پھولپور، الہ آباد، امبیڈکر نگر، شراوستی، ڈومریا گنج، بستی، سنت کبیر نگر، لال گنج، اعظم گڑھ، جونپور، مچھلی شہر اور بدایوں شامل ہیں۔
