حیدرآباد: ناجائز تعلقات رکھنے والی ایک خاتون نے عاشق کی مدد سے اپنے شوہر کا قتل کردیا۔ یہ واردات تلنگانہ کے بھدرادری کوتہ گوڑم ضلع کے ٹیکولاپلی میں پیش آئی۔
پولیس نے بتایا کہ للیتا نے اپنے عاشق کرشنا کے ساتھ مل کر یہ واردات انجام دی اور دونوں نے مل کر لاش کو دفن کردیا۔ مقتول رامو، مزدوری کیاکرتا تھا اور ملزم کرشنا بکروں کی فروخت کا کام کرتا تھا۔ پولیس نے کہاکہ للیتا اور کرشنا کے درمیان ناجائز تعلقات تھے۔
رامو کو ان تعلقات کا پتہ چلا جس کے بعد اس نے اپنی بیوی کو انتباہ دیتے ہوئے ایسی حرکتوں سے باز رہنے کی ہدایت دی تاہم اس کی بیوی نے اپنی حرکتیں جاری رکھیں۔
بعد ازاں للیتا اور کرشنا نے رامو کا منصوبہ بند انداز میں قتل کرتے ہوئے اس کی لاش کو ریت میں دفن کردیا۔ پولیس کو اس سلسلہ میں اطلاع ملی جس پر پولیس نے لاش کو کھود کر نکلوایا، تاہم پولیس کو صرف ہڈیاں اور کپڑے ہی ملے۔
پولیس نے کہاکہ لاش کو ڈی این اے کے لئے بھیجا جائے گا۔ پولیس نے اس سلسلہ میں معاملہ درج کرلیا ہے۔
