قاضی گنڈ: گاڑی سے اسلحہ سمیت دو گرفتار

جموں و کشمیر میں قاضی گنڈ کے قریب قومی شاہراہ پر سکیورٹی فورسز نے ایک گاڑی سے اسلحہ اور گولہ بارود کے ساتھ دو افراد کو گرفتار کرنے کا دعویٰ کیا ہے۔

پولیس کے مطابق فورسز کی مشترکہ کاروائی میں لورمنڈہ کے قریب سرینگر جموں شاہراہ پر گاڑی روک کر تلاشی کارروائی کے دوران کھال میں چُھپایا گیا اسلحہ و گولہ بارود ضبط کیا ہے۔

ضبط شدہ ہتھیاروں میں 2 اے کے 56،8 میگزین، 10 9 ایم ایم پستول، 18 پستول میگزین، 9 ہتھ گولے اور دیگر گولہ بارود شامل ہیں۔

پولیس نے گاڑی میں سوار دو افراد معراج احمد بٹ اور زاہد نبی ڈار (پانپور) کو گرفتار کیا ہے اور ان سے پوچھ تاچھ جاری ہے۔