کشتواڑ: غیر قانونی شراب کے ساتھ ایک گرفتار

جموں و کشمیر کی کشتواڑ پولیس نے شراب کی 20 بوتل کے ساتھ ایک شخص کو گرفتار کیا ہے۔

گزشتہ ایک مہینے کے دوران کشتواڑ پولیس نے منشیات مخالف مہم کو تیز کرتے ہوئے 20 سے زائد افراد کو منشیات فروشی کے الزام میں گرفتار کیا ہے۔

منشیات کے خلاف اپنی مہم کو جاری رکھتے ہوئے کشتواڑ پولیس نے آج مزید ایک شخص کو غیر قانونی شراب کی بوتل کے ساتھ گرفتار کیا ہے۔ پولیس نے ان کے قبضے سے شراب کی 20 بوتلیں بر آمد کی ہیں۔

پولیس نے کہا کہ خفیہ اطلاع کی بنیاد پر انہوں نے ٹاگود میں ناکہ بندی کر کے اشرداس (ننزلہ سگدی) کو شراب کے ساتھ رنگے ہاتھوں گرفتار کر کے مقدمہ درج کیا ہے۔