بارہ بنکی : لا کالج میں جعلی امیدوار امتحان دیتے پکڑے گئے

اگر آپ نے منا بھائی ایم بی بی ایس فلم دیکھی ہوگی تو آپ کو یاد ہوگا کہ اس میں امتحان کے لیے اصل امیدوار کی بجائے دوسرے امیدوار کو بٹھایا جاتا ہے۔ ٹھیک اسی طرز کا معاملہ بارہ بنکی میں پیش آیا۔

ریاست اتر پردیش کے شہر بارہ بنکی میں قانون کی تعلیم حاصل کر رہے 4 طلباء نے سنگین جرم انجام دیا۔ ٹی آر سی لا کالج جاری ایل ایل بی امتحان میں امیدوار ایسے پائے گئے جو طالب علم نہیں تھے بلکہ کسی دوسرے امیدوار کی جگہ امتحان دینے کے ارادے سے آئے تھے۔

ان چاروں افراد کو کالج انتظامیہ کی مستعدی سے بے نقاب کیا گیا۔

واضح رہے کہ 'ڈاکٹر رام منوہر لوہیا اودھ یونیورسٹی کے ٹی آر سی کالج میں ان دنوں ایل ایل بی کے امتحانات ہو رہے ہیں۔ یہاں ایم کے ڈی پی کالج آف لا مکنپور کا سینٹر ہے۔

اس کالج کے ایل ایل بی سال اول کے چار طلباء اپنے تمام مضامین کے امتحانات میں غیر حاضر تھے اور اس تعلیم سال کو ضائع ہونے سے بچانے کے لیے انہوں نے غیر قانونی راستی اپنایا اور اپنی جگہ کسی دوسرے شخص کو بٹھانے کی کوشش کی لیکن گیٹ پر تلاشی کے دوران یہ پکڑے گئے۔

کالج انتظامیہ نے ان تمام کو پولیس کے حوالے کر دیا ہے۔ پولیس آگے کی کارروائی کر رہی ہے۔