کیمور: شخص کی لاش برآمد

ریاست بہار کے کیمور ضلع کے رامگڑھ تھانہ علاقہ کے جمورنا گاٶں رہائشی تارکیشور تیواری بدھ کی صبح ندی عبور کرتے وقت بہہ گئے، جن کی لاش دیر شام پٹسیروا پل کے قریب ندی سے برآمد ہوئی ہے۔

ندی کنارے لاش ہونے کی اطلاع پر پولیس نے موقع پر پہنچ کر لاش کو ندی سے مقامی لوگوں کی مدد سے باہر نکالا اور لاش کی شناخت کے بعد بھبھوا پوسٹ مارٹم کے لئے بھیج دیا۔

ندی میں لاش ہونے کی اطلاع پر بڑی تعداد میں لوگ پل کے قریب جمع ہو گئے۔ مقامی لوگوں کے مطابق متوفی تاریکشور تیواری بدھ کی شام جمورنا میں ندی عبور کرتے ہوئے بہہ گئے تھے۔ کافی تلاش کے بعد بھی ان کا پتہ نہیں چل سکا تھا۔ لاش جمعرات کی شام پانچ بجے مذکورہ پل کے قریب سے ملی۔