مرکزی وزیر داخلہ امیت شاہ نے جمعرات کے روز آندھرا پردیش کے وشاکھاپٹنم کے ایک کیمیکل پلانٹ میں گیس کے اخراج کو پریشان کن قرار دیتے ہوئے کہا کہ' مرکزی حکومت اس صورتحال پر کڑی نظر رکھے ہوئے ہے۔انہوں نے کہا کہ' وشاکھاپٹنم کے لوگوں کے لئے میں دعاگو ہوں۔
شاہ نے ٹویٹ کیاکہ 'ویزگ میں پیش آنے والا یہ واقعہ پریشان کن ہے۔ انہوں نے کہا کہ' این ڈی ایم اے حکام اور متعلقہ حکام سے بات ہوئی ہے۔ ہم اس صورتحال کی مستقل نگرانی کر رہے ہیں'۔
جے کشن ریڈی نے آندھرا پردیش کے چیف سکریٹری اور پولیس کے ڈائریکٹر جنرل سے بات کی اور صورتحال کا جائزہ لیا۔
ریڈی نے نیشنل ڈیزاسٹر ریسپانس فورس (این ڈی آر ایف) کی ٹیموں کو ہدایت کی کہ وہ متاثرین کو ضروری مدد فراہم کریں۔
انہوں نے یہاں کہا کہ' میں اس صورتحال پر مسلسل نگرانی کر رہا ہوں۔ سینکڑوں لوگ اے پی میں ہوئے اس غیر معمولی حادثے سے متاثر ہوئے ہیں۔"
وشاکھاپٹنم گوپال پٹنم علاقے میں ایل جی پولیمر کیمیکل پلانٹ میں ہونے والی گیس لیکیج کے باعث کم از کم 6 افراد ہلاک اور 100 سے زائد ہسپتال میں زیر علاج ہیں۔
