ٹی ڈی پی ارکان اسمبلی معطل

ریاست آندھرا پردیش بجٹ سیشن کے دوران زبردست بحث وتکرار دیکھی گئی، اس موقع پر اسپیکر نےتلگودیشم کے تین ارکان کو معطل کردیا۔

منگل کے روز ٹی ڈی پی ارکان نے ایوان میں بحث کے دوران کہا کہ وزیر اعلی جگن موہن ریڈی نےوعدہ کیا تھا کہ انکی حکومت قائم ہونے پر،ایس سی ایس ٹی، بی سی اور اقلیتی خواتین کو 45 برس کی عمر سے وظیفہ دیاجائے گا، مگر اس پر عمل نہیں کیا گیا۔
اور اس سے متعلقہ ویڈیو کو پیش کرنے کی اجازت انھوں نے اسپیکر سے مانگی
جس کی اجازت انھیں نہیں دی گئی۔
دوسری جانب وزیر پنچایت پدی ریڈی رام چندر ریڈی نے اس بات کو رد کرتے ہوئے کہا کہ وائی ایس آر کانگریس پارٹی کے مینی فیسٹو میں اس طرح کا کوئی وعدہ نہیں کیا گیا۔
اس بات کو لیکر حکومت اور اپوزیشن ارکان کے درمیان بحث وتکرار ہونے لگی، جس کے بعد اسپیکر نے تین ٹی ڈی پی ارکان کو بجٹ سیشن تک کے لیے معطل کردیا۔