ریاست اتر پردیش کے شہر وارانسی کے جلالی پور علاقے کے رہنے والے عبدالرحمن جو سرکاری اسکول میں معاون مدرس کے طور پر اپنے فرائض انجام دے رہے ہیں نے اپنی تخلیقی صلاحیت کا استعمال کر کے نا صرف جدید اور دلچسپ طریقوں سے تدریس کا سلسلہ جاری کیا ہے بلکہ ان کی اس پیش رفت کی ضلعی سطح اور پر تعریف ہوئی ہے اور طلباء میں بھی تعلیم کے تئیں نیا جوش ابھرا ہے۔
لاک ڈاؤن کے بعد عبدالرحمن نے گاؤں کے بچوں کو ڈیجیٹل اور آن لائن تعلیم دینی شروع کی ہے اس کے لیے انہوں نے ایک واٹس ایپ گروپ بنایا ہے جس کے ذریعے وہ سبھی مضامین کو با آسانی پڑھا رہے ہیں جبکہ ضرورت پڑنے پر ویڈیو کال کا بھی سہارا لیتے ہیں۔
انہوں نے بتایا اس گروپ وہ میں نہ صرف طلباء کو ہوم ورک دیتے ہیں بلکہ کہ دلچسپ اور عمدہ مضامین، ویڈیو اور تصاویر بھی طلباء و طالبات تک پہنچاتے ہیں جس سے گاؤں کے طلباء میں ایک نئی امنگ اور جوش نظر آ رہا ہے۔
