لیکن رواں برس کورونا وائرس کی وجہ سے کرسمس کے موقعے پر تقریبات محدود پیمانے پر منعقد کیے جائیں گے اور چنیدہ افراد کو ہی شرکت کرنے کی اجازت ہوگی۔
بنارس شہر جہاں پر بے شمار دیوی دیوتاؤں کے مندر ہیں شہر کی تاریخی اہمیت اپنی جگہ مسلم ہے وہیں اس شہر میں مذہبی ہم آہنگی کی شاندار مثالیں موجود ہیں۔ بنارس کے کینٹ علاقے میں واقع مہا گرجا گھر میں قرآن گیتا اور بائبل کے پیغامات نقش ہیں۔'
رواں برس کرسمس کے تعلق سے مہا گرجا گھر کے پادری نے پریس کانفرنس کر کے میڈیا کو بتایا کہ رواں برس کورونا وائرس کی وجہ سے محدود پیمانے پر کرسمس کی تقریبات منعقد کی جائیں گے۔
انہوں نے بتایا کہ پہلے 3 روزہ عظیم الشان میلے کا اہتمام کیا جاتا تھا جس میں سبھی مذہب کے افراد شامل ہوتے تھے۔ مختلف پروگراموں پورے جوش و خروش کے ساتھ شب وروز جاری رہتے تھے۔ لیکن رواں برس 3 روزہ میلہ منعقد نہیں کیا جائے گا وہیں جو دیگر تقریبات منعقد ہوتے تھے ان کو محدود پیمانے پر منعقد کیا جائے گا اور چنیدہ افراد کو ہی شرکت کرنے کی اجازت ہوگی۔'
انہوں نے کہا کی کرونا وائرس کی وجہ سے ہم عوام کی جان کو خطرے میں ڈال کر کسی بڑی تقریبات منعقد کرنے کی جانب بلکل نہیں سوچ رہے ہیں اور نہ ہی ایسا ہوگا، بلکہ حکومت کی جانب سے جاری کردہ ہدایات پر عمل کر کے کرسمس منایا جائے گا۔'
