بھارت کے دوسرے وزیراعظم لال بہادر شاستری کی آج 55ویں برسی منائی جارہی ہے اور ان کی حیات و خدمات کو یاد کیا جارہا ہے۔
جے جوان جے کسان کا نعرہ دینے والے لال بہادر شاستری کی سادہ زندگی کا اندازہ بنارس کے رام نگر میں واقع ان کے آبائی وطن سے لگایا جاسکتا ہے جہاں پر ان کا مٹی کا مکان، مٹی کا چولہا، معمولی قسم کی چار پائی، لکڑی کی کرسی، چھوٹا سا میٹنگ روم اور چند برتنوں پر مشتمل بارچی خانہ آج بھی موجود ہے۔
واضح رہے کہ لال بہادر شاستری کی پیدائش دو اکتوبر سنہ 1904 میں اترپردیش کے مغل سرائے میں ہوئی اور ان کا انتقال ازبکستان کے شہر تاشقند میں 11 جنوری سنہ 1966 میں ہوئی۔
بچپن میں ان کا نام لال بہادر شریواستو تھا، ابتدائی تعلیم کے بعد بنارس میں واقع مہاتما گاندھی کاشی ودیا پیٹھ یونیورسٹی سے گریجویشن کیا جس کے بعد ان کو شاستر کی ڈگری ملی اور اسی وقت سے لال بہادر شاستری کہا جانے لگا۔
دروان تعلیم بنارس کے رام نگر کے مہاراجہ رام نریش قلعے سے بلکل دو سو میٹر کے فاصلے پر ایک بِسوا زمیں پر تعمیر مٹی کے مکان میں رہتے تھے اور دروان تعلیم جس لالٹین سے پڑھتے تھے وہ آج بھی موجود ہے۔
لال بہادر شاستری کو اس مکان سے اتنا لگاؤ تھا کہ اعلیٰ عہدے پر فائز ہونے کے بعد بھی اس مکان میں قیام کرتے تھے اور ایک تنگ کمرے میں عوام سے ملاقات کرتے تھے۔
لال بہادر شاستری کو کسانوں سے انتہائی محبت تھے یہی وجہ ہے کہ آج بھی رام نگر کے میوزیم میں وہ تصاویر دیدہ زیب ہیں جس میں کسانوں سے ملاقات کیے ہیں اور شفقت سے نوازا ہے۔
بھارت کے سابق وزیراعظم کے اس گھر کو دیکھ کر یقین کرنا مشکل ہوتا ہے کہ اتنی سادگی سے زندگی گزار کر ملک کی خدمت کی اور ملک کے سبھی شہریوں کے لیے نمونہ عمل بنے۔
لال بہادر شاستری کے والد شاردا پرساد ایک غریب اور ایماندار استاد تھے جو بعد میں محکمہ مال کے دفتر میں کلرک بنے اور بھارت کی آزادی کے بعد لال بہادر شاستری کو اترپردیش کے پارلیمانی سیکریٹری کے طور پر مقرر کیے گئے۔
ان کے مشورے پر بھیڑ پر قابو پانے کے لیے پانی کے پھوارے کے چھڑکاؤ کی شروعات ہوئی تھی۔
خیال رہے کہ لال بہادر شاستری نے 27 مئی سنہ 1964 کو جواہر لعل نہروں کے انتقال کے بعد نو جون سنہ 1964 کو وزارت عظمیٰ کا عہدہ سنبھالا تھا۔
