پٹرول اور ڈیزل کی قیمتوں میں مسلسل اضافے کے خلاف آج بنارس کے سگرا علاقے میں احتجاجی مظاہرہ ہوا جس میں پولیس اور چند مظاہرین کے مابین تلخ کلامی بھی ہوئی.
اس سلسلے میں کانگریس کے رہنما ہریش مشرا نے کہا کہ کورونا وبا میں ناکام لاک ڈاؤن کے سبب عوام کے کاروبار کے ساتھ ملازمت بھی چلی گئی، اور مہنگائی عروج پر ہونے کی وجہ سے عوام کو گھر کے اخراجات نکالنا کافی مشکل کا سامنا کرنا پڑرہا ہے.
مودی سرکار مسلسل 17 دنوں سے پٹرول اور ڈیزل کی قیمتوں میں اضافہ کر ملک کی عوام کے ساتھ ناانصافی کر رہی ہے.
اس کے علاوہ انہوں نے کہا کہ آج صبح جب ہم نے اس کے خلاف احتجاج کرنے کرنے کا منصوبہ بنایا تو دفعہ144 کا حوالہ دے کر ہماری آواز پولیس کے ذریعے دبانے کا کام کیا جا رہا ہے۔
انہوں نے کہا کہ مجھے احتجاج کرنے سے روک دیا گیا. سگرا تھانہ علاقے کی پولیس فورس کو تعینات کیا گیا اور سڑک پر ہی میمورنڈم دینا پڑا۔
انہوں نے مزید کہا کہ اس مظاہرے کے لیے ہم نے' بھینس کے آگے بین بجاو 'پروگرام رکھا تھا جس میں پولیس نے بھینس کو دور بھگا دیا اور مظاہرین کو منتشر کرنے کے لیے ممکن دباؤ بنایا.
