بنارس سے روانگی سے قبل سبھی کا تھرمل اسکریننگ کی گئی تھی جس میں سبھی کی رپورٹ نارمل تھی۔ تملناڈو انتظامیہ کے ذریعے بنارس کی ضلع انتظامیہ کو اطلاع دی گئی ہے کہ بنارس سے پہنچی دو خواتین کی کورونا رپورٹ مثبت آئی ہے۔
اس اطلاع کے بعد ضلع انتظامیہ الرٹ ہوگئی ہے۔ فی الحال اعلی افسران و پولیس اور محکمہ صحت کی ٹیم کے ساتھ علاقے کو سینٹائز کیا جا رہا ہے اور عوام کی تھرمل اسکریننگ بھی کی جا رہی ہے۔
جس بس کے ذریعے سیاحوں کو بھیجا گیا تھا اس کے ڈرائیور کو بھی قرنطینہ کردیا گیا ہے۔ اس سلسلے میں ڈسٹرکٹ مجسٹریٹ کوشل راج شرما نے بتایا کہ سبھی سیاحوں کو بھیجنے سے پہلے تھرمل اسکریننگ کی گئی تھی۔ جس میں سب کی رپورٹ نارمل تھی۔
تفتیش میں معلوم ہوا ہے کہ بس ڈرائیور نے راستے میں کچھ لوگوں کو بس میں بٹھایا تھا، ممکن ہے کہ انہیں لوگوں میں سے کسی کو کورونا کی علامات رہی ہوں گی، جس کی وجہ سے ان دو خواتین کی رپورٹ کورونا مثبت آئی ہے۔ فی الحال بنارس میں احتیاط خوب برتا جارہا ہے۔
