بنارس کے ملاح وزیراعظم کی آمد پر کیوں بھوکے رہنے کو کہہ رہے ہیں؟

اگر ضلع انتظامیہ للیتا گھاٹ سے راج گھاٹ تک ملاحوں کو کشتی چلانے کی اجازت نہیں دیتا ہے تو بنارس کے سبھی ملاح اپنی برداری کی خیر سگالی میں دو دن تک اپنی کشتیاں نہیں چلائیں گے اور بھوکے رہیں گے۔

ریاست اترپردیش کے ضلع بنارس میں 30 نومبر کو وزیر اعظم نریندر مودی دیو دیپاولی میں شرکت کرنے آئیں گے۔ گزشتہ 27 نومبر کو وزیر اعلی یوگی آدیتہ ناتھ نے تیاریوں کا جائزہ لیا اور انتظامیہ نے گنگا میں کشتی چلانے والے ملاحوں سے کہا ہے کہ للیتا گھاٹ سے راج گھاٹ تک کشتیاں نہ چلائیں۔ اس کے ردعمل میں ملاحوں نے احتجاج کیا۔

دشاسومتھ گھاٹ پر میڈیا سے بات کرتے ہوئے ملاحوں کے نمائندہ پرتھوی نے کہا کہ اگر ضلع انتظامیہ للیتا گھاٹ سے راج گھاٹ تک ملاحوں کو کشتی چلانے کی اجازت نہیں دیتا ہے تو بنارس کے سبھی ملاح اپنی برداری کی خیر سگالی میں دو دن تک اپنی کشتیاں نہیں چلائیں گے اور بھوکے رہیں گے۔

میڈیا سے بات کرتے ہوئے پرتھوی نے بتایا کہ اگر ضلع انتظامیہ ملاحوں کو للیتا گھاٹ سے راج کشتی چلانے کی اجازت دے رہا ہے تو دو دن تک وزیراعظم کے استقبال میں سبھی ملاح اپنی کشتی بند کیے رہیں گے۔ انہوں نے کہا کہ یہ ملاحوں کو گوارا نہیں ہے کہ ان کے کچھ برادران رزق کمائیں اور کچھ خالی رہیں۔ اس لیے سبھی ملاحوں نے فیصلہ لیا ہے کہ دو دن تک کشتی نہیں چلائیں گے اور وزیراعظم کی آمد کا استقبال کریں گے۔

انہوں نے کہا کہ اگر کشتی چلائیں گے تو سبھی چلائیں گے ورنہ کوئی بھی کشتی نہیں چلائے گا۔