آل انڈیا ٹیچرز ایسوسی ایشن مدارس عربیہ کے جنرل سیکریٹری وحیداللہ خان سعیدی نے ای ٹی وی بھارت سے کہا کہ' اس تعلق سے وزیر اعلی یوگی آدتیہ ناتھ کو ایک مکتوب روانہ کیا گیا ہے۔جس میں مدارس کے طلباء و طالبات کی پریشانیوں سے متعلق تفصیلات درج ہیں'۔
انہوں نے کہا کہ سنہ 1995 میں جو حکومت کی جانب سے جی او جاری کیا گیا تھا اس میں منشی اور مولوی درجہ کو ہائی اسکول کے مساوی تسلیم کیا گیا ہے اور عالم کو انٹر میڈیٹ کے مساوی قرار دیا گیا تھا اب جب مدرسہ بورڈ نے منشی، مولوی اور عالم مارک شیٹ کے نام کو سیکنڈری اور سینئر سکینڈری کردیا ہے جس کا کسی بھی یونیورسٹی یا سرکاری محکمے میں نام درج نہیں اور نہ ہی حکومت نے اس نام سے کوئی ترمیمی جی او جاری کیا ہے ایسے میں وہ طلباء و طالبات جنہوں نے 2020 کی مارکشیٹ حاصل کی ہے اگر وہ یونیورسٹیز یا سرکاری محکمے پاسپورٹ دفتر میں مارکشیٹ لے کر جاتے ہیں تو یہ سبھی دفاتر تسلیم کرنے سے انکار کرسکتےہیں۔
مزید پڑھیں:
داڑھی رکھنے کی وجہ سے مسلم پولیس اہلکار معطل
لہذا حکومت جلد از جلد ترمیمی جی او جاری کر سبھی یونیورسٹیز اور محکمے کو اطلاع دے تاکہ طلباء و طالبات کو کسی قسم کی دشواری پیش نہ آئے۔
