اداکار عرفان خان اور اداکارہ دیپکا پادکون بنارس کے چیت سنگھ گھاٹ پر شوٹنگ کے بعد سیڑھیوں پر بیٹھے رہے اور چپ چاپ گنگا کا نظارہ کرتے رہے پھر اچانک بول پڑے کہ مجھے تو بنارس آنے کا موقع چاہیے۔
دراصل یہاں کے مست مجاز اور پرکیف ماحول سے وہ بے حد متاثر تھے بنارس میں جس وقت فلم کی شوٹنگ ہو رہی تھی عرفان خان مداحوں کا ہجوم تھا۔ عرفان خان بنارس ساڑی اور بنارسی تہذیب سے بے متاثر تھے۔ بنارس کے رامنگر میں ہونے والے رام لیلا کا اکثر ذکر کرتے تھے اگر چہ انہوں نے یہاں کا رام لیلا نہیں دیکھا تھا لیکن اس کے مشہور ہونے کی وجہ سے جب بنارس کی بات کرتے تو رام لیلا ضرور آتا تھا۔ کہا جاتا ہے کہ رام لیلا ایک تھیٹر ڈرامہ ہے اور عرفان خان کو اس سے کافی لگاؤ تھا۔ آج جب پوری دنیا عرفان خان کے انتقال پر ملال پر سوگوار ہے وہیں بنارس کے لوگو بھی عرفان خان کو یاد کر سوگوار ہیں۔
خیال رہے کہ بالی وڈ کے معروف اداکار عرفان خان کا آج بدھ کے روز 53 برس کی عمر میں انتقال ہو گیا۔ وہ 'نیورو انڈروکرائن ٹیومر' کی بیماری سے متاثر تھے۔
