بنارس ہندو یونیورٹی کے شعبہ اردو کے لیے آج یقیناً ہی خوشی کا دن ہے جو صدر شعبہ پروفیسر آفتاب احمد آفاقی کے قیادت و سربراہی میں دن دونی رات چوگنی ترقی کر رہا ہے.
شعبۂ اردو بنارس ہندو یونیور سٹی کی ترقی و کامیابی میں ایک اور نئے باب کا اضافہ ہوا ہے۔ صدر شعبۂ اردو پروفیسر آفتاب احمد آفاقی کے تحقیقی کاموں کو دیکھتے ہوئے 'قومی کونسل برائے فروغ اردو زبان' نے اردو ادب کی تاریخ ترتیب دینے والی کمیٹی کے لیے نیا رکن متنخب کیا ہے۔
کمیٹی کی قیادت میں اردو ادب کی تاریخ کو از سرِ نو کئی حصوں میں ترتیب دیا جانا ہے، جس کی پہلی میٹنگ 6 اگست کو دہلی میں ہوگی۔
بی ایچ یو: اردو میں ماس میڈیا کورس
بی ایچ یو کا شعبہء اردو قومی و بین القوامی سیمیناروں، معیاری رسالہ "دستک" کا اجرا، نئےصحافتی کورس کی شروعات اور دیگر ادبی پروگراموں کی وجہ سے اکثر سرخیوں میں رہا ہے۔
اس شعبے کے لیے ایک مسرت آمیز خبر یہ بھی ہے کہ بہار پبلک سروس کمیشن کی طرف سے اسسٹنٹ پروفیسر اردو کے کامیاب طلبا کی فہرست میں 'شعبہ اردو بی ایچ یو' کے تین ریسرچ اسکالرز کا نام شامل ہے.
غور طلب ہے کہ انٹرویو میں چار ریسرچ اسکالرز شامل تھے جن میں سے تین کامیاب ہوئے ہیں۔ کامیاب ریسرچ اسکالرز منی بھوشن کمار شرما، مبشرہ صدف اور سید ابوذر علی شامل ہیں۔
