وارانسی میں گنگا صفائی مہم کا آغاز صبح سات بجے سے شروع ہوکر ایک گھنٹے تک جاری رہا، جس میں نہ صرف گنگا ندی میں بہتی آلودگی اور غلاظتوں کو ہٹایا گیا بلکہ یہ بھی حلف لیا گیا کہ گنگا کو صاف ستھرا رکھنے میں ہر ممکن تعاون دیا جائے گا۔
صفائی مہم میں شامل سماجی کارکن محمد شاہد خان نے ای ٹی وی بھارت سے خصوصی گفتگو میں کہا کہ گنگا کی صفائی انتہائی اہم ہے اور بنارس سے جب یہ پیغام جائے گا تو اس کا اثر پورے ملک میں ہوگا۔ انہوں نے کہا کہ' اس مہم میں بغیر تفریق ملت و مذہب سبھی عقیدے کے لوگ شامل ہوئے ہیں اور یہ ہماری خوش بختی ہے کہ ہم نماز فجر کے بعد سے ہی اس مہم میں شامل ہوئے۔
مزید پڑھیں: لکھنؤ: کولڈ اسٹوریج میں دھماکہ، دو مزدور ہلاک
واضح رہے کہ مرکزی حکومت کی جانب سے جاری 'نمامی گنگے اسکیم' کے تحت سیکڑوں اہلکار گنگا ندی کی صفائی میں روزانہ لگے رہتے ہیں۔ لیکن آج بنارس کے ڈسٹرکٹ مجسٹریٹ کے ساتھ تمام سماجی کارکنان و انتظامیہ کے لوگوں نے گنگا صفائی مہم کی نئی شروعات کی ہے۔
