پولیس ذرائع نے بتایا کہ ضلع بنارس کے چوبے پور علاقے کے حاجی پورگاؤں میں ہوئے تنازع میں بزرگ رام دلار یادو(60) کی موت ہوگئی۔
مقامی افراد نے پولیس کو بتایا کہ رام دلار یادو دو گروپوں کے درمیان ہوئے جھگڑے کے دوران صلح صفائی کرنے گئے تھے کہ اسی وقت شدید طور سے زخمی ہوگئے، زخمی حالت میں انہیں فور مقامی سرکاری اسپتال میں لے جایا گیا جہاں جانچ کے بعد ڈاکٹروں نے انہیں مردہ قرار دے دیا۔
انہوں نے بتایا کہ زخمیوں میں گیتا، گلاب، ارمیلا اور منیش شامل ہیں، ان کا علاج بی ایچ یو میں چل رہا ہے۔
انہوں نے بتایا کہ حاجی پور کے پیارے لال یادو اور تالا گاؤں باشندہ اوما ناتھ یادو کے درمیان ایک بنجر پڑی زمین کے سلسلے میں تنازع چل رہا تھا، دونوں فریقین کے درمیان پیر کو بھی تنازع ہوا تھا، منگل کو تنازع بڑھنے کے بعد دونوں گروپوں کے بیچ جم کر مار پیٹ ہوئی۔
پولیس ذرائع نے بتایا کہ حادثے کے بعد گاؤں میں تناؤ کا ماحول ہے اس کے پیش نظر موقع واردات پر وافر مقدار میں پولیس ٹیم کو تعینات کیا گیا ہے۔
