اترپردیش کے ضلع مئو میں ریاستی حکومت کی جانب سے بنکر کلسٹر قائم کرنے کی راہ ہموار ہوتے ہوئے دکھائی دے رہی ہے۔
حکومت نے پہلے مرحلے میں ٹیسٹنگ اینڈ ڈیزائننگ لیب قائم کرنے کا فیصلہ کیا ہے۔
واضح رہے کہ مئو بنکروں کی آبادی کے لحاظ سے بے حد اہم مانا جاتا ہے۔ یہاں بنکروں کی کاروباری ترقی کے لیے طویل عرصہ سے بنکر کلسٹر قائم کرنے کا مطالبہ کیا جا رہا ہے۔
خیال رہے کہ بنکروں کی ترقی کے ضمن میں اترپردیش حکومت نے مثبت پیش رفت کی ہے۔
واضح رہے کہ بنکروں کو جدید تکنیک سے آراستہ کرنے کی غرض سے ڈیزائننگ اینڈ ٹیسٹنگ لیب قائم کیا جائےگا۔ تاہم اس پروجیکٹ کو بنکر کلسٹر سکیم کا پہلا مرحلہ تصور کیا جا رہا ہے۔
اس منصوبے کے لیے محکمہ صنعت کو نوڈل ایجنسی بنایا گیا ہے اور اس کے لیے اترپردیش حکومت نے ساڑھے چھ کروڑ روپے کی رقم منظور کی ہے۔
مئو کے ڈپٹی کمشنر نے کہا کہ صنعت کے ضمن میں اس پروجیکٹ کے قیام سے بنکروں کی کاروباری ترقی کی راہ ہموار ہوگی اور مئو کی بُنائی صنعت کو ڈیزائننگ اینڈ ٹیسٹنگ لیب کی مدد سےفروغ ملے گا۔
فی الحال یہ پروجیکٹ ٹیکسٹائل ریسرچ انسٹی ٹیوٹ نامی غیر سرکاری تنظیم کی مدد سے شروع کیا گیا ہے۔
خیال رہے کہ مئو میں ڈیزائننگ اینڈ ٹیسٹنگ لیب شروع کرنے کا مطالبہ طویل عرصہ سے کیا جا رہا تھا۔
یاد رہے کہ مئو میں کروڑوں روپے کی مالی مدد سے شروع کیے جانے والے اس لیب میں ملک کے مختلف علاقوں میں استعمال کی جانے والی ساڑیوں کی ڈیزائن اور بہتر انداز سے بنانے میں مدد ملے گی۔
اتنا ہی نیہں بلکہ بیرونی ممالک میں رائج ٹیکسٹائل ڈیزائن پر بھی اس پروجیکٹ کی مدد سے تحقیقی کام انجام دیے جائیں گے۔
وداضح رہے کہ مئو کے مختلف حصوں میں کثیر پیمانے پر ساڑی اور کپڑے تیار کرنے کا کام انجام دیا جاتا ہے۔
مذکورہ سکیم کے بعد اب امید کی جا رہی ہے مئو کی بُنائی صنعت فائدہ ہوگا۔
